,,ფასების ზრდის მიზეზი ხელისუფლება კი არ არის, არამედ ბიზნესიო” – რას წერს რომან გოცირიძე?

ეკონომისტი, ყოფილი პარალმენტარი, რომან გოცირიძე:

,,ფასების ზრდის მიზეზი ხელისუფლება კი არ არის, არამედ ბიზნესი-თვეების განმავლობაში ამას პედალირებდა “ოცნება”, ამ მიზანს ემსახურებოდა პარლამენტის საპარლამენტო კომისია, სადაც საკუთარ ბიზნესს საჩვენებელი განხილვები მოუწყვეს, მაგრამ მათ ამით არაფერი დაშავებიათ-როგორც იყვნენ შეკრულები ერთმანეთში და ზრდიდდნენ ფასებს, კიდევ უფრო წარმატებით გააგრძელეს იგივე საქმიანობა. ისე ჩაამთავრა საპარლამენტო კომისიამ მუშაობა, რომ ფასებზე მთავარი პასუხისმგებელი ორგანო, ეროვნული ბანკი, არც კი დაუბარებიათ. არც მთავრობის მცდარი და კორუფციული საბიუჯეტო პოლიტიკა გახსენებიათ. ერთადერთი, რასაც ოპოზიცია წამოაძახებდა ხოლმე, გადასახადები იყო-დაწიეთ დღგ, საშემოსავლო, აქციზი და ფასებსაც ეშველება. კარგია, მაგრამ არასაკმარისი. გადასახადები მართლაც მთავრობის პაუხისმგებლობაა, მაგრამ დიდად ეს წამოძახილი არც ადარდებთ, ბოლოს და ბოლოს ეს გადასახადები მათი შემოღებული ხომ არ არის. ძალიან კარგად გრძნობენ ხალხის განწყობასაც-თუ გადასახადს დააკლებ, ეს მათაც დააკლდებათ. ხალხი ქვეცნობიერად ყველაფერს ხვდება. 370 ლარი რომაა პენსია, რომლის რეალური მსყიდვრლობითუნარიანობა 180 ლარიც კი არაა “ოცნებამდელი” ფასებით, ამას ყველა კარგად ხვდება. არაა საკმარისი იმის ძახილი, რომ თუ ნაკლებს მოიპარავენ, მეტი დარჩება ბიუჯეტიდან ხალხს. გადასახადები, ქურდობა და საგარეო ფაქტორები ფასების ზრდაში კი მონაწილეობენ, მაგრამ არა იმდენად, რომ მთავარ მიზეზს გაუწიონ კონკურენცია-ხელისუფლების არასწორ საბიუჯეტო და ფულად-საკრედიტო პოლიტიკას. როგორ უნდა მიიტანო ეს ადამიანებამდე, ესაა პრობლემა. რაც ადვილად მისატანია, ყოველთვის არ არია დამაჯერებელი. ვიცით, რომ გადასახადები ცუდია. მერე? ეკონომიკა მხოლოდ გადასახადებია? მხოლოდ გადასახადებში რომ იყოს საქმე, დედამიწაზე ინფლაციის ცნებაც გაქრებოდა.

ფასები ყოველთვის არის ფულადი მოვლენა-მილტონ ფრიდმანის ეს კლასიკური ფრაზა “გამორჩა” კომისიას. ფასებს მოთხოვნა-მიწოდება აყალიბებს და არა თუნდაც წურბელა ნავთობიმპორტიორები. სწორედ მთავარი მიზეზი და მთავარი დამნაშავე დარჩა განუხილველი და ტაბუდადებული. დისტრიბუტორ-“ქეშბეკებამდე”( კაცმა რომ ვერ გაიგო რა არის) და კვერცხზე დღგ-ს გაუქმებამდე დაიყვანეს პრპობლემა და ბოლოს ჰორმუზისა თუ ორმუზის სრუტეს დაბრალდა ყველაფერი.

იქ სადაც 10:0 უნდა მოეგო ოპოზიციას, თანაც ასეთი სუსტი და ოდიოზური შემადგენლობისათვის და თანაც ისეთ წამგებიან თამაშში, როგორიც ფასებია, მოიგო კი? ესეც საკითხავია.

ალბათ კი-მხოლოდ 2:1“