თბილისის საქალაქო სასამართლოში „ნაციონალური მოძრაობის“ პოლიტსაბჭოს თავმჯდომარის, ლევან ხაბეიშვილისა და ოპოზიციონერი პოლიტიკოსის, მურთაზ ზოდელავას სასამართლო პროცესი მიმდინარეობს.
სასამართლო პროცესს მხოლოდ ერთი ბრალდებული, ლევან ხაბეიშვილი ესწრება. რაც შეეხება მეორე ბრალდებულს, მურთაზ ზოდელავას, მან უარი განაცხადა სასამართლო პროცესზე დასწრებაზე.
საქმეს მოსამართლე ირაკლი ხუსკივაძე იხილავს. პროცესი ბრალდების მხარის მტკიცებულებების გამოკვლევით გრძელდება. ამ წუთებში მოწმის სახით იკითხება გდდ-ს მართლწესრიგისა და უსაფრთხოების დაცვის ერთ-ერთი სამმართველოს უფროსი, შოთა პაპუაშვილი.
ცნობისთვის, ლევან ხაბეიშვილს ედავებიან, რომ უკანონო ქმედების ჩასადენად მოხელისათვის ქრთამის დაპირება და სახელმწიფო ხელისუფლების დამხობისაკენ საქვეყნოდ მოწოდება განახორციელა.
კომენტარები