ვის შეუძლია ჩაიტაროს მხედველობის ლაზერული კორექცია და რომელ კლინიკაში დაინერგა ახალი ტექნოლოგიური მიღწევები?

რა არის მხედველობის ლაზერული კორექცია, როგორ ტარდება, რამდენად მარტივია რეაბილიტაცია და რა სახის პრობლემებს უგვარებს პაციენტებს – ამ თემებზე „ალიასთან“ საუბრობს მედიცინის დოქტორი, ნიუ ჰოსპიტალსის ოფთალმოლოგი, ოფთალმოქირურგი, მარიამ გოლოვაჩოვა.

– რა არის მხედველობის ლაზერული კორექცია და რამდენად ქმედითი პროცედურაა?

– მხედველობის ლაზერული კორექცია არის პროცედურა, რა დროსაც იცვლება თვალის წინა ზედაპირის, გამჭვირვალე ნაწილის, რქოვანას ფორმა და სისქე, რათა გაუმჯობესდეს მხედველობა და პაციენტს აღარ დასჭირდეს სათვალის ან კონტაქტური ლინზის ტარება. ლაზერული კორექციით შესაძლებელია მხედველობის გაუმჯობესება რეფრაქციული დარღვევევების დროს. იქნება ეს ე.წ.. ახლომხედველობის ანუ მიოპიის, შორსმხედველობის ანუ ჰიპერმეტროპიის, თუ ასტიგმატიზმის და პრესბიოპიის შემთხვევები.

– რამდენად პერსონიზებულია ლაზერული კორექციის პროცედურა თითოეული პაციენტისთვის და როგორ ხდება დაგეგმვა ინდივიდუალურ შემთხვევებში?

– წინასაოპერაციო კვლევებით იქმნება თვალის ე.წ. უნიკალური ანაბეჭდი – თვალის ზედაპირის 3D რუქა.

• რქოვანის წინა და უკანა ზედაპირის ტოპოგრაფია და ტომოგრაფია – სადაც ზუსტად ხდება რქოვანის სიმრუდის, სისქის და სხვა პარამეტრების გამოკვლევა და პაციენტის მონაცემების შეფასება საერთაშორისო პროტოკოლებთან მიმართებაში.
• მაღალიგარჩევადობის (რეზოლუციის) აბერომეტრია – აბერაციების განსაზღვრა CRS master and Peramis
• ოქროს სტანდარტი – რქოვანის ეპითელიუმის სისქის განმსაზღვრელი რუქა
• დინამიური პუპილომეტრია გამოიყენება გუგის პარამეტრების შესაფასებლად, ხოლო ლაზერული კორექციის დაგეგმვისას შესაძლებელია რქოვანის ფლაპის პარამეტრების ინდივიდუალური შერჩევა, მათ შორის ჰინჯის ლოკაციისა და კუთხის განსაზღვრა.

– რა მნიშვნელობა აქვს თანამედროვე ტექნოლოგიებს ლაზერული კორექციის უსაფრთხოებისა და შედეგების ხარისხის კუთხით?

– ოფთალმოლოგიის ეროვნული ცენტრი იყო ამიერკავკასიაში პირველი, სადაც 2011 წ. ჩატარდა ფემტოლაზერკორექცია – პროცედურა, როდესაც რქოვანის ანათალის ფლეპის წარმოქმნას არ სჭირდება სამედიცინო დანა და განაკვეთს აკეთებს ლაზერის სხივი. ასევე პირველია დღესდღეისობით, სადაც შესაძლებელია ყველანაირი ლაზერული პროცედურის ჩატარება.

– რომელი ასაკიდან არის შესაძლებელი მხედველობის ლაზერული კორექციის ჩატარება და არსებობს თუ არა ზედა ზღვარი?

– მხედველობის ლაზერული კორექცია ტარდება 18 წლიდან, შეზღუდვა, ზედა ასაკობრივი ზღვარი, რომელიც ადრე იყო 40-45 წლის შემდეგ, ახლა აღარ არსებობს, რადგან უკვე წელიწადზე მეტია წარმატებით სრულდება პრესბიონდლაზერი. ეს არის საკითხავი სათვალის მოხსნის შესაძლებლობა პაციენტებისთვის 40 წლის ზემოთ. ეს ალგორითმი აქვს მხოლოდ კარლ ცაისის ფირმის აპარატს. პრესბიონდის შემთხვევაში ხდება მიკრომონოვიჟენის გამოყენებით, ორი თვალის გამოსახულების შერწყმა ისე, რომ ჩვენი ტვინი აღიქვამს ერთდროულად ორივე თვალიდან მიღებულ გამოსახულებას ყველა მანძილზე: შორს, შუალედურ ანუ კომპიუტერის და ახლოს ანუ საკითხავ მანძილზე.

– რა უპირატესობები გააჩნია პრესბიონდ ლაზერს?

– პირველ რიგში უნდა ვთქვა, რომ პრესბიოპიის მკურნალობის შემდეგ ვიღებთ არა ახალგაზრდა თვალის აკომოდაციის უნარს, არამედ – ბუნებრივ ბინიკულარულ მხედველობას.

• ნაკლები რისკ-ფაქტორები ახლავს, რადგან არის ნატიფი ლაზიკის პროცედურა და არანაირი ინვაზიური ქირურგია.
• შენარჩუნებულია კონტრასტული მხედველობა;
• ნაკლები პოსტოპერაციული გართულებები ინვაზიური ქირურგიისგან განსხვავებით;
• ეფექტურობის პროცენტი მაღალია – 97%–მდე.
• შექცევადი და მორგებადია, შესაძლოა ეფექტის გაძლიერებით ან შესუსტებით რეფრაქციის და ბინოკულარული მხედველობის მართვა.
• ნეიროადაპტაცია – ტვინი ადვილად აღიქვამს და ადაპტირდება სხვადასხვა მანძილზე მხედველობისას.

– რატომ ნიუ ჰოსპიტალსი? – რა უპირატესობებს სთავაზობს პაციენტებს კლინიკის ოფთალმოლოგიის ეროვნული ცენტრი მხედველობის ლაზერული კორექციის მიმართულებით?

– ნიუ ჰოსპიტალსში ოფთალმოლოგიის ეროვნული ცენტრი ერთადერთი კლინიკაა საქართველოში, რომელიც პაციენტებს სთავაზობს 9 ტიპის პერსონალიზებულ ლაზერულ მკურნალობას და აერთიანებს 2 დამოუკიდებელ რეფრაქციული ქირურგიის სივრცეს. ოფთალმოლოგიის ეროვნულ ცენტრში პროცედურები ტარდება მსოფლიოში წამყვანი ბრენდების – ZEISS და SCHWIND – უახლესი თაობის ტექნოლოგიებით, რაც უზრუნველყოფს მაქსიმალურ სიზუსტეს, უსაფრთხოებასა და მაღალი ხარისხის შედეგს.