“მძიმე და გადამწყვეტი მომენტი დგება ამ ომში” – ბატიაშვილი

ანალიტიკოსი, ზურაბ ბატიაშვილი, აშშ-ის პრეზიდენტის, ტრამპის სიტყვებს ეხმაურება და წერს:

✅ თუ ეს მუქარა შესრულდა, სრულიად სხვა ეტაპზე გადავა ომი ახლო აღმოსავლეთში;

✅ სხვა ეტაპტზე გადავა სიტუაცია თავად ირანშიც – თუ ქვეყანაში აღარ იქნება ელექტროენერგია, ვეღარ იმუშავებს ქარხნები, ფაბრიკები, გაჩერდება წყლის მიწოდების სისტემები (წყალი კი უდიდესი პრობლემაა ირანში) და ა.შ. თუ წყალი არ იქნება, ვეღარ მოიყვანენ მოსავალსაც;

✅ ასეთ შემთხვევაში, ვეღარ იმუშავებს ვერც ნავთობისა და გაზის გადამამუშავებელი ქარხნები, რაზეც დგას ირანის ეკონომიკა;

✅ ამ სცენარის შემთხვევაში შეიძლება საერთოდ გაჩერდეს ისედაც მძიმე მდგომარეობაში მყოფი ეკონომიკა და დადგეს ჰუმანიტარული კრიზისი, რონელიც უპირველეს ყოვლისა, დაბალ და საშუალო ფენებს შეეხება;

✅ რა შეიძლება ამ ყველაფერს მოყვეს? ყველაფერი, დაწყებული პოლიტიკური პრობლემებით (პროტესტი და არეულობები), ისე ლტოლვილთა ნაკადების დაძვრის შანსით (თუ ხალხს მოშივდა). გააჩნია კრიზისის მასშტაბებსა და დაზარალებულთა რაოდენობას. ირანის მოსახლეობა კი 90 მილიონია, სადაც მოსახლეობის უმრავლესობა სწორედ საშუალო და დაბალი ფენაა;

✅ ბევრი დრო აღარ რჩება. მძიმე და გადამწყვეტი მომენტი დგება ამ ომში.

ცნობისთვის  ტრამპმა თქვა:

“სამშაბათს ირანში ელექტროსადგურისა და ხიდის დღე იქნება, ყველაფრის ერთად. მსგავსი არაფერი ყოფილა!!! გახსენით დაწყევლილი სრუტე, შეშლილო ნაბი@ვრებო, თორემ ჯოჯოხეთში იცხოვრებთ. უბრალოდ უყურეთ!”