“ასაკი არ შეიძლება იმპერატიული ხასიათის იყოს” – მეუფე ზენონი

დმანისისა და აგარაკ-ტაშირის მთავარეპისკოპოსმა, ზენონ იარაჯულმა საპატრიარქოს დატოვების შემდეგ ჟურნალისტებთან განაცხადა:

ეს იყო თითქმის 6 საათიანი სხდომა, ძალიან ცივილიზებულ, მშვიდ გარემოში მიმდინარეობდა. გამოვთქვით ჩვენი აზრები, მოსაზრებები სხვადასხვა საკითხებთან დაკავშირებით. ძირითადად განხილვა მოხდა პროცედურული საკითხების, ვთქვათ როგორ უნდა ჩატარდეს ეს, იქ მართვა-გამგეობის დებულების მიხედვით, ძალიან პრაქტიკული მხარე, ვთქვათ იქ შეიქმნა საარჩევნო კომისია, როგორც თან ახლავს ამ ყველაფერს. 

რაც შეეხება განათლებისა და ასაკობრივ საკითხს, ამის შესახებ იქნება მომავალში, როცა სინოდის სხდომა იქნება უკვე კანდიდატებთან დაკავშირებით. [ასაკთან დაკავშირებით] მსჯელობა არა, უბრალოდ ზოგადი საუბარი იყო, ეს არ ჩაითვალა, როგორც სინოდის განსახილველი საკითხი, გადაიდო მომავალში. აზრის გაცვლა-გამოცვლა იყო, ჩვენ ვიცით ერთი რაღაც, რომ ზოგადად ეს არ წარმოადგენს ისეთი კატეგორიის საკითხს, როგორიც შეიძლება იმპერატიული ხასიათის იყოს, არ არის ეს ასეთი, აქედან გამომდინარე დამოკიდებული იქნება კენჭისყრაზე მომავალში, როგორ აირჩევს უმრავლესობა. 

[შემდეგი სხდომა ჩატარდება] ალბათ სავარაუდოდ, უფრო ორმოცის შემდეგ,” – განაცხადა მეუფე ზენონმა.