სურსათის ეროვნული სააგენტოს ინფორმაციით, ზუგდიდის ცენტრიდან აყვანილ მიუსაფარ ძაღლებს ჩაუტარდებათ შესაბამისი სამედიცინო მანიპულაციები და ვაქცინაცია, რის შემდეგაც ეკიპაჟები მათ უკან დააბრუნებენ.
“ძაღლების ჰიპერპოპულაციის მართვის პროგრამის ფარგლებში, ზუგდიდის მერიასთან კოორდინაციით, სურსათის ეროვნული სააგენტოს ეკიპაჟებმა, ქალაქ ზუგდიდის ცენტრიდან (დადიანების სასახლის მიმდებარე ტერიტორია) მიუსაფარი ძაღლები აიყვანეს. ცხოველები გადაყვანილია ქუთაისის მუნიციპალურ თავშესაფარში, სადაც მათ, მხოლოდ საჭიროების შემთხვევაში, ჩაუტარდებათ პროგრამით გათვალისწინებული მანიპულაციები – ცოფის საწინააღმდეგო ვაქცინაცია, კვლევები, იდენტიფიკაცია/რეგისტრაცია და კასტრაცია-სტერილიზაცია. ვეტერინარული მანიპულაციების დასრულების შემდეგ ცხოველებს ეკიპაჟები ისევ ქალაქ ზუგდიდში დააბრუნებენ.” – ნათქვამია განცხადებაში.
შეგახსენებთ, დღეს ცხოველთა დამცველებმა ვიდეო მასალა გაავრცელეს, სადაც ჩანდა, როგორ მიჰყავდა მიუსაფარები მუნიციპალურ სამსახურს. ერთ-ერთი მიმკედლებელი წერდა, რომ მისი ძაღლებიც წაიყვანეს და უთხრეს, რომ უკან აღარ დაუბრუნებდნენ ,,ბუნებაში გაუშვებდნენ”.
კომენტარები