“ივანიშვილმა, როგორც ძაღლმა, მონიშნა ის ადგილი – წარწყმიდა” – სააკაშვილი

თბილისის საქალაქო სასამართლოში 8 ოპოზიციონერი პოლიტიკოსის სასამართლო პროცესი დახურულ რეჟიმში ჩატარდა. მართალია პროკურატურამ თქვა, რომ დამასალი არაფერი აქვს და საჯაროობის წინააღმდეგი არაა, თუმცა, იქვე, მოსამართლის გასაგონად დაამატა, რომ “ჭკუას კი არ არიგებს, მაგრამ” დარბაზში სიმშვიდე სჯობს.

ტვ პირველის გავრცელებული ინფორმაციით,  მიხეილ სააკაშვილმა პროცესზე თქვა:

“მე მრცხვენია ქართველი ხალხის ნაცვლად, ჩვენ ვხედავთ მეგობრებო დინასტიური დიქტატურის დამკვიდრების მცდელობას… ივანიშვილმა როგორც ძაღლმა მონიშნა ის ადგილი, საპატრიარქოში ახლადგარდაცვლილ პატრიარქთან, მე გავიმარჯვეო – წარწყმიდა პატრიაქის გამოსამშვიდობებელი უმნიშვნელოვანესი ღონისძიება. აი, ეს მოიხდა რაც მოვყევი. ხალხო, გული არ გერევათ?! “- თქვა სააკაშვილმა. 

მან ასევე,”ქართული ოცნების” მმართველობა სტალინისდროინდელ რეპრესიებს შეადარა.

მოსამართლემ სააკაშვილს სიტყვა შეაწყვეტინა.

“თვალში ხომ არ გეპატარავებით?”– მიმართა სააკაშვილმა მოსამართლეს.

თბილისის საქალაქო სასამართლოში ე.წ. საბოტაჟის საქმეზე ბრალდებული 8 პოლიტიკოსის – მიხეილ სააკაშვილის, ნიკა მელიას, ნიკა გვარამიას, ზურაბ გირჩი ჯაფარიძის, გიორგი ვაშაძის, ბადრი ჯაფარიძის, მამუკა ხაზარაძისა და ელენე ხოშტარიას საქმის განხილვა დახურულ რეჟიმში მმდინარეობდა.

პროცესი 8 პოლიტიკოსის საქმეზე და პროკურორი მოსამართლეს – “არავის ჭკუას არ ვასწავლი, მაგრამ…”