,, ანუ ქართული ოცნების არის სტადიონი, ეკლესიაც და ტროტუარიც… ყველაფერი მიისაკუთრეს და ეს მოგწონთ?” – რეზო კიკნაძე

სინდისის პატიმარი, რეზო კიკნაძე ციხიდან წერილს აქვეყნებს:

,,პატრიარქის დასაფლავება რომ პიარად აქციეს, აი, ეგეთი ერი ვართ.

გუშინ იყო ანტიქრისტეს ზეიმი სამების ტაძარში და სატანა ტკბებოდა ყოველი წუთით. მთავარ ანტიქრისტესაც, რომ დიდი წარდგენით მისცეს სიტყვა ეშმაკის მსახურებმა, გული არ აგერიათ?

საპატრიარქო რომ ,,ქართული ოცნების” ფილიალია, ვინც აქამდე ვერ ხვდებოდით, ახლა მაინც თუ დარწმუნდით?

იცით, რა გამახსენდა?
პანდემიის დროს ევროპაზე გასასვლელ გადამწყვეტ მატჩში, მაკედონიას რომ ვხვდებოდით, ხალხი არ დაგვასწრეს თამაშზე, ფანკლუბიც კი არ შეგვიშვეს, სამაგიეროდ, ქართული ოცნების წევრები ოჯახებით იყვნენ გამოჭიმულები, იქ, სადაც მათივე თქმით, ხალხის დასწრება არ შეიძლებოდა.

მამაოებიც არ დააყენეს ტაძრის შიგნით, თურმე მეუფე ზენონისთვის არ მიუციათ შესვლის უფლება — ბიძინას და სხვა სატანების ოჯახებისთვის რომ ყოფილიყო დასადგომი ადგილი!

ყველა მხრიდან ასხივებენ, რომ ხალხი ხალხია და თავად ცალკე არიან.

ანუ ქართული ოცნების არის სტადიონი, ეკლესიაც და ტროტუარიც.

ყველაფერი მიისაკუთრეს და ეს მოგწონთ? ამას ეგუებით? სადამდე უნდა ვითმინოთ ესენი, სადამდე?

რაც მთავარია, კვერცხი ჰო გააიაფეს ორი თეთრით.

P.S. – როგორ უგულოდ და უემოციოდ წაიკითხა კობახიძემ ის ლექსი, ეგრე უყვარს მაგას საქართველო.

23.03.2026
საკანი 38“