ყოფილი პარლამენტარი, ირაკლი მელაშვილი:
,,35 წელია რაც დამოუკიდებელი ქართული სახელმწიფო არსებობს. თავისუფალი და სამართლიანი სასამართლო არასდროს გვქონია, პოლიტიკურ საქმეებში ყოველთვის ხელისუფლების დაკვეთებს ასრულებდნენ. დიდი უსამართლობა ამ კუთხით ყოველთვის იყო, მაგრამ რასაც ახლა ელენე ხოშტარიას წინააღმდეგ შვებიან, ეს ისტორიულად უპრინციპო და ხელისუფლების მორჩილი ქართული სასამართლოს ისტორიაშიც კი გამორჩეული გადაწყვეტილებაა თავისი სისასტიკით, ნაძირლობით და აბსურდულობით! სულ ცოტა ხნის წინ უმძიმეს დაავადებაგადატანილ ოთხი შვილის დედას, ბანერზე გაკეთებული წარწერის გამო წელიწადნახევარი ციხე მიუსაჯო, ასეთი, ბოდიში და ახვრობა, მე არ მახსოვს. აქ არ შემომივარდეთ ახლა რეპლიკებით ის ხალხი ვინც წინა ხელისუფლების დროს ბუჩქებში ისხედით და ახლა ხართ თამამად”აბა მიშას სასამრთლო ჯობდა?” წინა პრეზიდენტმა რაც შექმნა, ამაზე პასუხი აგო საკუთარი თავისუფლებით , სწორედ თავის მიერ ნაკეთები “მურისიძის სასამართლოს” მსხვერპლია!
ყველა უსამართლო გადაწყვეტილებაზე, რასაც წლების განმავლობაში მოსამართლეები იღებდნენ, საზოგადოება პასუხისმგებლობას ყოველთვის მთავრობას აკისრებდა. ოღონდ, რატომღაც, ძალიან ხშირად ვივიწყებთ, რომ ამ ბოროტებას მთავრობა ყოველთვის ვიღაცის ხელით აკეთებს, ამ ვიღაცას, ნებისმიერ დროს შეუძლია გამოიჩინოს ნება და კონკრეტულ საქმეზე უარი თქვას ბოროტების სამსახურზე. თუკი ამას არ შვება საკუთარი კეთილდღეობის და კარიერის გულისთვის, მასაც უნდა მოვთხოვოთ პასუხი და შევეშვათ ჯერ კიდე სსრკ-ს დროიდან დამკვიდრებული კომფორმისტული და ვითომ ჰუმანისტური ეთიკური ნარატივებით საუბარს, “რა ქნას”, “მასაც ხომ ოჯახი ჰყავს”, “არ უნდოდა მაგრამ …” და ა.შ.
სანამ ელენეს მიმართ ამ განაჩენის გამომტანი მოსამართლე ჩვეულებრივად ივლის, საზოგადოების მხრიდან არ იგრძნობს ისეთ დისკომფორტს, ისეთ მიუღებლობას, ისეთ შერცხვენას, როგორსაც იმსახურებს, ჩვენს ქვეყანაში არაფერი არ შეიცვლება.“
კომენტარები