“უცბად, მო,ულოდნელად მოხდა, თუმცა, მოსალოდნელად” – სარჯველაძე კათოლიკოს-პატრიარქის გარდაცვალებაზე

ქართული ოცნების ჯანდაცვის მინისტრი, მიხეილ სარჯველაძე:

მოხდა ის, რაც არავის გვინდოდა, ყველაზე ნაკლებად გვინდოდა. ძალიან სწრაფად დაეცა სასიცოცხლო მაჩვენებლები, რამაც გამოიწვია ეს დიდი ტრაგედია.

კუჭის წყლულით დაიწყო ყველაფერი, სისხლდენით, ამას მოჰყვა ფილტვების, თირკმელების, გულის უკმარისობა. უცბად, მოულოდნელად მოხდა, თუმცა, მოსალოდნელად, იმიტომ რომ ნებისმიერ დროს, ასეთ არასტაბილურ პირობებში შეიძლებოდა განვითარებულიყო მოვლენა.

არ მითქვამს იმ დროს საჯაროდ, მაგრამ კონსილიუმის ყველა წევრმა აღნიშნა, რომ ასეთი რამ მოსალოდნელი იყო ნებისმიერ დროს.

მთელი გულით ვუსამძიმრებ ქართველ ხალხს ამ მძიმე დანაკარგს, რომლის მსგავსიც არ მახსენდება ჩემს სიცოცხლეში.

სხვანაირი იქნება ხვალიდან საქართველო, ძალიან გაგვიჭირდება ყველას ჩვენი უსაყვარლესი პატრიარქის გარეშე.