გეოლოგების დასკვნის მოლოდინში – არის თუ არა მეწყრის კვლავ ჩამოწოლის საშიშროება სოფელ კურსებში? ამ კითხვას პასუხი უახლოეს მომავალში უნდა გაეცეს. მასზეა დამოკიდებული, თუ როდის შეძლებენ საკუთარ საცხოვრებლებში დაბრუნებას ადგილობრივები.
მიწის მასის ჩამოწოლის შედეგად, გუშინ, სოფელში მთლიანად განადგურდა 10 საცხოვრებელი სახლი, ევაკუირებულია 45 ოჯახი. საერთო ჯამში, სტიქიამ 58 ჰექტარი ფართობი მოიცვა – დანგრეული სახლების გარდა, ეზოებში დიდი ნაპრალებია, წაქცეულია ხეები, დაზიანებულია ავტომობილები და გზები. არავინ დაშავებულა.
გეოლოგებთან ერთად, სოფელ კურსებში რჩებიან შსს-ს სხვადასხვა დანაყოფის წარმომადგენლები და შესაბამისი ტექნიკა. შექმნილია საგანგებო შტაბი.
კომენტარები