ქვეყნის ევროკავშირში გაწევრიანება შესაძლებელი იქნება მხოლოდ მაშინ, თუ ქვეყანა ევროკავშირის სტანდარტებს დაუახლოვდება, – ამის შესახებ სომხეთის პრემიერმა ევროპარლამენტში სიტყვით გამოსვლისას ისაუბრა.
ბევრი ადამიანი კითხულობს სომხეთში – როდის გახდება ჩვენი ქვეყანა ევროკავშირის წევრი? ჩვენი პასუხი მკაფიოა. ვერცერთი ქვეყანა ვერ გახდება ევროკავშირის წევრი თუ არ დაუახლოვდა ევროკავშირის სტანდარტებს. ჩვენი ამოცანაა ჩვენი ევროპელი პარტნიორების მხარდაჭერით გავაგრძელოთ რეფორმების გზა, პირველ რიგში იმისთვის, რომ დავუახლოვდეთ ევროკავშირის წევრობის კრიტერიუმებს. როცა ეს მოხდება შემდეგ ორი გზაა – ან ევროკავშირი დაგვიჭერს მხარს და გავხდებით სრულფასოვანი წევრი, ან – არა. ამას ვამბობ იმიტომ, რომ ევროკავშირის გაფართოება, ახალი წევრების მიღება არაა მარტივი პროცესი. ეს რა თქმა უნდა ასევე პოლიტიკური გადაწყვეტილებების საკითხიცაა. თუ ევროკავშირი მიიღებს სომხეთს წევრად, ეს რა თქმა უნდა დიდებული იქნება. თუ არა, ჩვენ ამით მაინც მოვიგებთ, რადგან ჩვენ ვიქნებით ქვეყანა, რომელიც სრულად მოვა შესაბამისობაში ევროკავშირის სტანდარტებთან. თუმცა, გულწრფელად გეტყვით, რომ სომხეთის ევროინტეგრაციის პროცესში ამ მომენტისთვის ყველაზე დიდი პრობლემა არის ის, რომ გაყინულია ევროკავშირის და საქართველოს პოლიტიკური დიალოგი. საქართველო ჩვენთვის არის გზა ევროკავშირისკენ. ჩვენ საქართველოსთვის კანდიდატის სტატუსის მინიჭების შემდეგ დავიწყეთ ევროინტეგრაციის პროცესი. ჩვენ ველით, და ვითხოვთ რომ საქართველოს და ევროკავშირს შორის კონსტრუქციული პროცესი განვითარდეს. ეს სომხეთისთვისაც და საქართველოსთვისაც მნიშვნელოვანია, – განაცხადა სომხეთის პრეზიდენტმა.
კომენტარები