„კუბაც დაეცემა“ – დონალდ ტრამპი

კუბაც დაეცემა, – ამის შესახებ აშშ-ის პრეზიდენტმა, დონალდ ტრამპმა „პოლიტიკოსთან“ ინტერვიუში განაცხადა.

მისივე თქმით, შეერთებული შტატები კონტაქტშია კუბის კომუნისტურ ხელმძღვანელობასთან, რადგან კუნძულზე ვენესუელის ლიდერის, ნიკოლას მადუროს დაკავების შემდეგ არასტაბილურობა ძლიერდება.

მან ასევე აღნიშნა, რომ კუნძულზე მდგომარეობის გაუარესება ნაწილობრივ აშშ-ის ზეწოლის შედეგია.

„ეს ჩემი ჩარევის გამოა. ჩარევა, რომელიც ხდება. ცხადია, წინააღმდეგ შემთხვევაში მათ ეს პრობლემა არ ექნებოდათ. ჩვენ შევწყვიტეთ ყველა ნავთობი, ყველა ფული… ყველაფერი, რაც ვენესუელიდან შედიოდა, რომელიც ერთადერთი წყარო იყო. რამდენი ხანია, გსმენიათ კუბის შესახებ – 50 წლის განმავლობაში? და ეს ჩემთვის ერთ-ერთი უმნიშვნელო საკითხია“, – განაცხადა ტრამპმა.

ამასთან, კითხვაზე, თუ რამდენად დიდი გავლენის მოხდენას ელოდება ირანის მომავალი ლიდერის არჩევაზე, ტრამპმა განაცხადა, რომ აპირებს, დიდი გავლენა მოახდინოს.

„ჩვენ ვიმუშავებთ ხალხთან და რეჟიმთან, რათა უზრუნველვყოთ, რომ იქ მივიდეს ვინმე, ვისაც შეუძლია ირანის კარგად აშენება, მაგრამ ბირთვული იარაღის გარეშე“, – თქვა ტრამპმა.