ქართული ოცნების საგარეო საქმეთა სამინისტრო, აშშ–ისრაელი–ირანის ომზე, პრაქტიკულად, დაწყებიდან 12 საათის შემდეგ აკეთებს პირველ კომენტარს და მხოლოდ ახლა, საღამოს 21 საათზე აქვეყნებს პირველ მოწოდებას ირანში მყოფი საქართველოს მოქალაქეებისადმი.
“საქართველოს საგარეო საქმეთა სამინისტრო ყურადღებით და ღრმა შეშფოთებით აკვირდება ვითარებას ახლო აღმოსავლეთში. ხაზს ვუსვამთ დიპლომატიური ძალისხმევის მნიშვნელობას რეგიონში დეესკალაციის მისაღწევად და სტაბილურობის უზრუნველსაყოფად.
მოვუწოდებთ საქართველოს მოქალაქეებს, იხელმძღვანელონ ოფიციალური მითითებებით და მიიღონ ყველა საჭირო ზომა საკუთარი უსაფრთხოების უზრუნველსაყოფად. რეგიონის ქვეყნებში საქართველოს საელჩოები სრულად ფუნქციონირებენ და მზად არიან, საქართველოს მოქალაქეებს საჭიროების შესაბამისად გაუწიონ დახმარება” – წერს უწყება
კომენტარები