პროევროპულ აქციაზე დაკავებული ნანა სანდერი ამბობს, რომ რუსთავის ციხეში არაადამიანური მოპყრობის მსხვერპლია. მისი ინფორმაციით, მას ხშირად საკანში იატაკზე სძინავს, რადგან ორთოპედიული მატრასი, რომელიც მისთვის არის საჭირო ამ დრომდე არავის მოუტანია.
ქალი ამბობს, რომ არ ჩაუტარეს არც სათანადო სამედიცინო კვლევები. “აუტანელი ტკივილები მაწუხებს კისრის, ხერხემლის, ზურგის, წელის, მხრების მკლავების, კუნთების, სახსრების არეში”- წერს სანდერი.
პატიმარი ქალის მოთხოვნა, დაუყოვნებლივ შეუშვან მასთან ციხეში, კვალიფიციური ორთოპედი.
დღეს, ციხეში იატაკზე მძინავს ახლა, რადგან ორთოპედიული მატრასი არ მომიტანეს და არც ორთოპედი მომიყვანეს, რასაც მეხუთე დღეა, უშედეგოდ ვითხოვ. იქნებ, დაავადება ამ გზით შევიჩერო, რასაც ციხის ლეიბი იწვევს, თუმცა არც იატაკზე წოლა არც ტკივილგამაყუჩებლები არ მიყუჩებენ აუტანელ ტკივილებს, რომლითაც წამებას განვიცდი – კისრის, ხერხემლის, ზურგის, წელის, მხრების მკლავების, კუნთების, სახსრების… უძილობისგან და ტკივილებისგან დაქანცულს მეძინება მხოლოდ.
აუტანელი ტკივილებისგან უნდათ რომ თვითმკვლელობამდე მიმიყვანონ – ეს პოლიტიკა ტარდება ციხის დირექტორი ნესტან ვერულაშვილისგან, „პროკურორი“ ლაშა ცქვიტარიასგან და სხვა დანარჩენი სისხლის სამართლის დამნაშავე რუსული ტერორისტული რეჟიმის წარმომადგენლებისგან, რომელთა დასანქცირებაც ის მინიმუმია რაც წესით უნდა გააკეთოთ”- წერს პატიმარი.
კომენტარები