თბილისის საერთაშორისო აეროპორტში ლაშა გაბიტაშვილს საფრანგეთში გამგზავრების უფლებაზე უარი უთხრეს. ამის შესახებ აქტივისტი სოციალურ ქსელში წერს. მისი თქმით, თვითმფრინავი, რომლითაც ის საფრანგეთში უნდა გაგზავრებულიყო, მის გარეშე გაფრინდა.
გაბიტაშვილი აღნიშნავს, რომ ჩამოართვეს ისრაელის პასპორტიც, თუმცა რის გამო მოხდა ეს ყველაფერი, მიზეზი არ განუმარტეს.
“თბილისის აეროპორტში არ გამიშვეს საზღვარზე, მიზეზს არ მეუბნებიან. პარიზში მივფრინავდი და თვითმფრინავი ჩემს გარეშე გაფრინდა. ისევ პასპორტკონტროლზე ვდგავარ და წაღებული აქვთ ისრაელის პასპორტი! მიზეზი არ ვიცი, რა პროცედურა მიმდინარეობს! საქართველოს პასპორტი დამიბრუნეს, – წერს გაბიტაშვილი სოციალურ ქსელში.
ლაშა გაბიტაშვილი საზოგადოებისთვის ცნობილი აბუ-დაბიში გადაღებული ვიდეოკადრებით და ირაკლი ზარქუასთან დაკავშირებული ინციდენტის შემდეგ გახდა.
კომენტარები