შინაგან საქმეთა სამინისტროს მიგრაციის დეპარტამენტის თანამშრომელი მკვდარი იპოვნეს. ფაქტზე, საქართველოს პროკურატურამ გამოძიება სისხლის სამართლის კოდექსის 115-ე მუხლით დაიწყო.
უწყების ცნობით, დღეს 19 თებერვალს, ორთაჭალის მიმდებარე ტერიტორიაზე, მიგრაციის დეპარტამენტის თანამშრომელმა პირად ავტომობილში ტყვიით მკვდარი იპოვნეს.
პროკურატურა მტკიცებით ფორმაში წერს, რომ მან “მის საკუთრებაში არსებული ცეცხლსასროლი იარაღიდან გასროლით, თავის არეში სასიკვდილო ჭრილობა მიიყენა, რის შედეგადაც ის ადგილზე გარდაიცვალა”.
უცნობია არსებობს თუ არა ვიდეოჩანაწერი, ან თვითმხილველი და რის საფუძველზე აცხადებს პროკურატურა ინციდენტს თვითმკვლელობად, რადგან ტყვიის ექსპერტიზას, ჭრილობის ექსპერტიზას, ტყვიისა და ჭრილობის თანხვედრის ექსპერტიზას, სხეულსა და ტანსაცმელზე დენთის კვალის კვლევას, იარაღის ექსპერტიზას, რამდენიმე საათში სამხარაულის ეროვნული ექსპერტიზა ნამდვილად ვერ მოასწრებდა.
პროკურატურა წერს, რომ პირველადი ინფორმაციით, მომხდარს წინ უძღოდა, მის თანმხლებ პირთან, ყოფით ნიადაგზე კონფლიქტი.
კომენტარები