“ალბათ, მალე გამოცხადდება, რომ: მეტადონი ღრუბლიან ამინდს იწვევს” – ზურაბ სიხარულიძე

ნარკოლოგი, ფედერალისტების გუნდის წევრი, ზურაბ სიხარულიძე:

გარკვეული დროის შემდეგ მივხვდი: ეს ყველაფერი ასტროლინგვისტიკის ბრალია.

ვარსკვლავებმა ასე გადაწყვიტეს. პლანეტები არასწორ სახლში დადგნენ.

დიდხანს ვფიქრობდი და ბოლოს გავიგე — პრობლემა ნარკოპოლიტიკაში კი არა, კოსმოსშია.

სხვა როგორ აიხსნება, რომ:

• ჩანაცვლებითი თერაპია ერთდროულად არის „ლეგალური ნარკომანია“ და ამავე დროს ყველაზე კონტროლირებადი სამედიცინო პროგრამა;

• სავალდებულო მკურნალობა კურნავს ყველას — განსაკუთრებით იმას, ვინც არ უნდა;

რეესტრი არის ზრუნვა;

ჯარიმა არის პრევენცია;

დაპატიმრება არის

მეცნიერება გვეუბნება, რომ დამოკიდებულება ქრონიკული, ბიოფსიქოსოციალური მდგომარეობაა.

ჩვენ ვპასუხობთ: „არა, ეს ხასიათის სისუსტეა. პლუს ვიღაცის ბრალია.“

მეცნიერება ამბობს: ზიანის შემცირება ამცირებს სიკვდილიანობას.

ჩვენ ვამბობთ: „ზიანი საერთოდ არ არსებობს, თუ სტატისტიკას არ დავთვლით.“

მეცნიერება ამბობს: სტიგმა აუარესებს შედეგებს.

ჩვენ ვამბობთ: „სტიგმა მოტივაციაა.“

ალბათ მალე გამოცხადდება, რომ:

მეტადონი ღრუბლიან ამინდს იწვევს;

ბუპრენორფინი ეროვნულ იდენტობას აზიანებს;ნალოქსონი ტრადიციულ ღირებულებებს არღვევს.

და თუ ვინმეს მაინც უჩნდება კითხვა — რატომ ხდება ეს ყველაფერი?

პასუხი მარტივია: მერკური რეტროგრადშია, ნეპტუნი მეშვიდე სახლშია, და როგორც კი მეხუთეში გადავა — კარმიული გარდაქმნა დაიწყება.

მაგრამ, რა ვიცი… იქნებ დილის ხუთ საათზე მოსულ იდეებს მართლა საკუთარი გრავიტაცია აქვთ.

რას ვიზამთ — ასტროლინგვისტიკის ეპოქაში ვცხოვრობთ.

ალბათ დროა უნივერსიტეტიც გავხსნათ: ათასი სტუდენტი მოვამზადოთ ამ დარგში. სხვა ახსნა აღარ დამრჩა — ცოდნა არ გვყოფნის, სპეციალისტები ცოტა ყოფილან