“რუსთავი2″–ს უშლის ხელს” – ახალ თეატრში” ჭიჭინაძის ბანერი ჩამოხსნეს – ადგილზე ხმაურია

ახალ თეატრთან ხმაურია –  ფასადიდან ანდრო ჭიჭინაძის ბანერი ჩამოხსნეს. ოფიციალური მიზეზი სამაუწყებლო კომპანია რუსთავი 2-ის ტელე გადაცემებია. ადგილზე ანდრო ჭიჭინაძის მეგობარი მსახიობები იმყოფებიან, რომლებმაც ჩამოხსნილი ბანერი თავად ხელახლა გადმოფინეს და ამ წუთებში სწორედ მას იცავენ, რომ არ ისევ ჩამოხსნან.

ოფიციალურად სახელდება, რომ რუსთავი 2-ს კადრებში ანდროს ბანერის გამოჩენა არ უნდა. მსახიობები კი სურთ, ისე გადაიღონ ვიდეოკადრები რომ არ შეეხოს ბანერს წარწერით –  “თავისუფლება სინდისის პატიმრებს”, თუმცა, ტელეკომპანიის წარმომადგენლებმა ეს თხოვნა არ  გაითვალისწინეს. მსახიობები თვლიან, რომ რეალურად ეს სპეცოპერაციაა მათ წინააღმდეგ.

ტვ პირველთან, მსახიობი, ეკა დემეტრაძე ამბობს:

“მოვიდნენ უზარმაზარი ბანერებით, ჩვენ ვკითხეთ სად აპირებდნენ ამ ბანერების გაკეთებას და ხომ არ აპირებდნენ ანდრო ჭიჭინაძის ბანერის ჩამოხსნას, პასუხი არ გაგვცეს. შემდეგ უცებ შემვოიდა ეს ხალხი, მოჰყვა რუსთავი 2-ის, იმედის, და პოსტ-ტვ-ის კამერაც. ეს ადამიანები გვეუბნებიან, რომ ჩვენ უბრალოდ საქმეს ვაკეთებთ, დრო არ გვაქვს, რადგან პრომო გვაქვს გადასაღები, დამონტაჟებას ვერ მოვასწრებთ და მოგვეცით ჩვენი ბანერებსი გაკვრის შესაძლებლობაო. ჩვენ ვთხოვეთ, რომ ცოტა ხანი ეცდიათ, არ გვაცადეს, 5 წუთში შემოვიდნენ, საუბარიც არ გვაცადეს, ვთხოვეთ, რომ ეს ჩვენთვის ღირსების საკითხია და მაინც დაიწყეს ბანერის ჩამოხსნა. გვეუბნებიან, რომ პროექტს ხელს ვუშლით და პრომო აქვთ გადასაღები. ახლა ცდილობენ გამოგვიყვანონ, რომ თითოს რადიკალები ვართ. სინამდვილეში ასე არ არის. ჯერ ჩვენი მსახიობი დაიჭირეს, მერე დოი გააგდეს. ყველასთვის ნათელია რას ნიშნავდა ეს სპეცოპერაცია, გაჩერებულები ვართ უკვე რამდენი ხანია. უნდათ რომ მოკლან ხელოვნება და თავისუფალი სიტყვა”