“ხალხი არ ხართ, ვინმემ ეს ახსენით” – რა სამართლებრივი დარღვევებია ბაჩიაშვილის საქმეში?

ყოფილი პარლამენტარი, ირაკლი მელაშვილი:

საპროცესო შეთანხმება ხომ საქმის არსებითი განხილვის გარეშე განაჩენის გამოტანის საფუძველია? (სისხლის სამართლის საპროცესო კოდექსის მუხლი 679 პრიმა) როცა საქმე დასრულებულია, ხომ აღარ არსებობს „არსებითი განხილვის გარეშე განაჩენის გამოტანის“ საფუძველი? ბაჩიაშვილის საქმეზე სასამართლოც ჩატარებულია და განაჩენიც გამოტანილი და რა „საქმის არსებითი განხილვის გარეშე განაჩენის გამოტანაზეა“ საუბარი?

გარდა ამისა, „პატიმრობის კოდექსის“ მუხლი 37 -ის თანახმად, თავისუფლების აღკვეთის დაწესებულებიდან მსჯავრდებული თავისუფლდება:

„ა) სასჯელის მოხდის შემდეგ;

ბ) სასჯელის მოხდისგან პირობით ვადამდე გათავისუფლებისას;

გ) სასჯელის მოუხდელი ნაწილის უფრო მსუბუქი სახის სასჯელით შეცვლისას;

დ) განაჩენის კანონით დადგენილი წესით შეცვლის ან გაუქმების გამო;

ე) ამნისტიით ან შეწყალებით;

ვ) ავადმყოფობის ან ხანდაზმულობის ასაკის გამო, საქართველოს კანონმდებლობით გათვალისწინებულ შემთხვევებში;

ზ) სასამართლოს მიერ განაჩენის აღსრულების გადავადების შემთხვევაში.“