პოლიციელი, რომელსაც 16 წლის მოზარდზე ფსიქოლოგიური და ფიზიკური ძალადობა ედება ბრალად, წინასწარ პატირობაში გაუშვეს. გადაწყვეტილება მოსამართლე თეონა ეპიტაშვილმა ცოტა ხნის გამოაცხადა.
ლუკა ხურცილავა 16 წლის ბიჭის უკანონოდ დაკავებას აღიარებს და პატიებას ითხოვს. პროცესს დღეს მეცხრე სამმართველოს თანამშრომლები ესწრებოდნენ, რომლებიც დაჭერილ კოლეგას გულშემატკივრობდნენ. სხდომაზე იყვნენ ის სამართალდამცველებიც, რომლებიც ფარულ ჩანაწერში ფიგურირებენ.
პროკურორმა “პირველებთან” ინტერვიუში არ გამორიცხა სხვა პოლიციელებისთვის ბრალის წარდგენა.
ბრალდების მხარეს ჰქონდა შუამდგომლობა ბრალდებულის მიმართ ყველაზე მკაცრი აღკვეთის სახით პატიმრობის გამოყენების თაობაზე. სასამართლომ სრულად გაიზიარა ბრალდების მხარის არგუმენტაცია, დასაბუთება და ბრალდებულის მიმართ ყველაზე მკაცრი ღონისძიება, ამ შემთხვევაში, პატიმრობა იქნა გამოყენებული.
რამდენიმე დღის განმავლობაში მყისიერად იქნა მოპოვებული არაერთი პირდაპირი მტკიცებულება. საქმეზზე გრძელდება საგამოძებო მოქმედებები. რაც შეეხება ბრალდებულის პოზიციას, მან აღიარა ჩადენილი დანაშაული, ითანამშრომლა გამოძიებასთან და სასამართლო პროცესზეც მსგავსი პოზიცია დააფიქსირა.
საქმეზე მიმდინარეობს გამოძიება, ტარდება არაერთი საპროცესო და საგამოძებო მოქმედება, დანიშნულია შესაბამისი სამედიცინო სასამართლო ექსპერტიზა და როდესაც ჩვენ საბოლოოდ ოვიპოვებთ მტკიცებულებებს, რა თქმა უნდა, მიეცემა შესაბამისი სამართლებრივი შეფასება, – ამბობს პროკურორი.
მოსამართლის გადაწყვეტილებას უსაფუძლოდ მიიჩნევს დაკავებულის ადვოკატი.
ჩემი დაცვის ქვეშ მყოფი ლუკა ხურცილავა გულწრფელად აღიარებს, ინანიებს და გამომდინარე აქედან, დღეს ვთვლი, რომ დღეს სასამართლომ მიიღო სრულიად უსაფუძლო გადაწყვეტილება, რაც გამოხატული იქნა ის მიმართ აღკვეთის ღონისძიების სახით პატიმრობის შეფარდებაში. გასაჩივრებასც რაც შეეხება, შემიძლია, გითხრათ, რომ გავივლი კონსულტაციებს ოჯახთან, ჯერ გადაწყვეტილი არ გვაქვს და ამის შემდგომ გადავწყვიტავთ იქნება თუ არა გასაჩივრებული აღნიშნული გადაწვეტიელბა, – ამბობს ადვოკატი.
„შაბათის ეთერმა” მოიპოვა ფარული ჩანაწერები პოლიციის მანქანიდან და განყოფილებიდან, სადაც გლდანი-ნაძალადევის მე-9 სამმართველოს თანამშრომლები ჩანან. მასალაში ასახულია 16 წლის სკოლის მოსწავლის დაკავების ეპიზოდი.
ჩანაწერების მიხედვით, მოზარდი საეჭვოდ მიიჩნიეს სამი პულივიზატორის გამო, პოლიციელებმა ის ძალის გამოყენებით ჩასვეს ავტომობილში. მანქანაში არასრულწლოვანს ტელეფონის გახსნას აიძულებენ, მაშინ, როცა იგი დედასთან დარეკვას ითხოვს. ამასთან მას “თითების დამტვრევით” და მსაჯვრდებული მამის გაუპატიურებით ემუქრებიან.
მომხდარზე დაკავებულია ერთი პოლიციელი ლუკა ხურცილავა. მისი სასამართლო პროცესი ამ დრომდე არ ჩანიშნულა.
კომენტარები