ყოფილი პარლამენტარი, წინა და ამჟამინდელი ხელისუფლებების პერიოდში, პეტრე მამრაძე, ჯორჯიან თაიმსთან, ეხმაურება ქართული ოცნების ლიდერების იმ განცხადებებს, რომლებითაც ისინი, ამერიკასთან ურთიერთობების აღდგენაზე საუბრობენ, პარალელურად იმისა, რომ ამერიკის სენატორებს, კონგრესმენებს და განსაკუთრებით კი ჰელსინკის კომისიას აკრიტიკებენ და ამბობს:
პარტნიორობა არ არის ხელის ჩამორთმევა მხოლოდ და სულაც არ არის საჭირო მაინცდამაინც ხელის ჩამორთმევა და ჩახუტება, პარტნიორობა ორი სახელმწიფოს, თუნდაც, ერთი იყოს ყველაზე ძლიერი მსოფლიოში, სამხედრო თვალსაზრისით და უძლიერესი ეკონომიკურად და მეორე იყოს მცირეციხოვანი სახელმწიფო ჩვენნაირი, ეს მაინც პარტნიორობაა და მოიცავს პუნქტებს და კონკრეტულ ქმედებებს. ეს არის მისი შინაარსი.
რა შინაარსის პარტნიორობა უნდა აღდგეს? – მე ეს არ ვიცი, მე ვიცი ის, რომ თუ წითელი ხაზები იქნება გადაკვეთილი, ის მხარე, რომლის ტანკები დგას 30 კილომეტრში თბილისიდან, – მიიღებს ზომებს.
მოვიყვან მაგალითს, 17 წელს საქართველოს პირველად მიეცა უფლება, 2008 წლის იმ კატასტროფის შემდეგ, აშშ–ის ადმინისტრაციის მხრიდან, რომ გვეყიდა ჯაველინები, ანუ ტანკსაწინააღმდეგო აღჭურვილობა, ძალიან ძლიერი. 80 მილიონი დოლარი გადავიხადეთ. მაგის შემდეგ კიდევ. მანამდე ვეტო იყო.
იგი ამტკიცებს, რომ ესაუბრა მაშინ, ამერიკის მაღალჩინოსანს (ამბობს, რომ მის გვარს ვერ დაასახელებს, თუმცა, არ აზუსტებს, რატომ ვერ ასახელებს), რომელმაც, მისი მტკიცებით, მას უთხრა, რომ აწი თუ რუსეთი ეცდება თავდასხმას, ის მძიმე ფასს გადაიხდის, მხოლოდ თავად კი უპასუხა, რომ – “თუ რამდენიმე ტანკი აუფეთქეს რუსეთს ქართველმა ჯარისკაცებმა ამ ჯაველინებით, ეს საფასურია?”
კომენტარები