“ქართული ოცნების” წევრის, თენგიზ შარმანაშვილი განცხადებას ავრცელებს და ერთის მხრივ, საუბრობს აშშ–ის ჰელსინკის კომისიაზე და მეორეს მხრივ, ბიძინა ივანიშვილზე. მან ისევ დასვა ტოლობის ნიშანი ბიძინა ივანიშვილსა და ქართული ოცნების ხელისუფლებას შორის. ბიძინა ივანიშვილი ქართული ოცნებისთვის ხან ის პირია, რომელიც პოლიტიკაში არ ერევა და ხანაც ამ პოლიტიკის განმსაზღვრელი.
“ლორა თორტონმა მარტა კოსსაც კი გადააჭარბა. იმდენად არასერიოზულია და იმდენად სკანდალურ სიტუაციაში გაეხვა თვითონ ეს ჰელსინკის კომისია, ბოლოდროინდელი მხილებებიდან გამომდინარე, უკვე სენატორებმა და კონგრესმენებმაც კი, ჩვენმა დაუძინებელმა მეგობრებმაც კი ვერ მოიცალეს, რომ მისულიყვნენ იქ და მხარი დაეჭირათ ვთქვათ ამნაირი პერფორმანსებისთვის. პერფორმანსი ძალიან რბილად არის ნათქვამი ამ უმსგავსობისათვის, რაც იქ ხდებოდა.
რა მნიშვნელობა აქვს ლორა თორტონი რას იტყვის, ეს არის არასერიოზული ადამიანი, რომელიც აანონსებს საქართველოს კანონმდებლობის გვერდის ავლას.
ბიძინა ივანიშვილმა იმდენი გააკეთა საქართველოსთვის, რომელიც არ ვიცი, ეტყობა თანამედროვეები ვერ შევაფასებთ,” – ამბობს თენგიზ შარმანაშვილი.
ცნობისთვის, გუშინ, აშშ-ის ჰელსინკის კომისიაში საქართველოზე ბრიფინგი გაიმართა, სახელწოდებით – “ქართული ოცნების” მიერ განსხვავებული აზრის მზარდი ჩახშობა”.
კომენტარები