“ოცნება” პესტიციდების ფასის შესწავლას იწყებს და აპირებს განსაზღვროს, ვინ რამდენი უნდა მოიხმაროს

ირაკლი კობახიძე ამტკიცებს, რომ პესტიციდების ფასის შესწავლასაც იწყებს.

მოგეხსენებათ, ჩვენ დავიწყეთ ფასების სიღრმისეული შესწავლა. ანალოგიურ პროცესს ვიწყებთ პესტიციდებისა და აგრო-ქიმიური საშუალებების მიმართულებითაც.

ჩვენი შეფასებით, საქართველოში აღინიშნება როგორც მაღალი ფასები პესტიციდებზე, ისე ჭარბი მოხმარების პრაქტიკა. ორივე მიმართულებით არის სერიოზული გამოწვევები და გარემოს დაცვის და სოფლის მეურნეობის სამინისტრო, ფერმერებთან, დარგის სპეციალისტებთან კონსულტაციების საფუძველზე უახლოეს მომავალში შექმნის სამართლიან სისტემას, ესაა ჩვენი მიზანი და ამოცანა, რომელიც პესტიციდებზე მოსახლეობისთვის ხელმისაწვდომ ფასებს უზრუნველყოფს.