ხვალ, საქალაქო სასამართლოში მამუკა ხაზარაძის, ბადრი ჯაფარიძის და სხვა ოპოციური ლიდერების სასამართლო პროცესი გაიმართება

ხვალ, საქალაქო სასამართლოში მამუკა ხაზარაძის, ბადრი ჯაფარიძის და სხვა ოპოციური ლიდერების სასამართლო პროცესი გაიმართება.
„ძლიერი საქართველო-ლელოს“ ლიდერების წინააღმდეგ, „ქართული ოცნების“ პროკურატურამ სისხლის სამართლის მესამე საქმე აღძრა და ამჯერად პოლიტიკური დევნა 318- ე მუხლის პირველი ნაწილით, მორიგი გამოგონილი ბრალდებით დაიწყო – მამუკა ხაზარაძეს და ბადრი ჯაფარიძეს პროკურატურა უცხო ქვეყნისათვის მტრულ საქმიანობაში დახმარების, საქართველოს კონსტიტუციური წყობილებისა და ეროვნული უშიშროების საფუძვლების წინააღმდეგ მიმართული საქმიანობის დაფინანსების, საქართველოს კონსტიტუციური წყობილების ძალადობით შეცვლისკენ, სახელმწიფო ხელისუფლების დამხობისკენ მოწოდების ბრალდებას უყენებს, რაც 4 წლამდე თავისუფლების აღკვეთას ითვალისწინებს.
მამუკა ხაზარაძის და ბადრი ჯაფარიძის ერთ-ერთი უფლებადამცველის, ლევან სამუშიას განცხადებით, პოლიტიკური ლიდერების მიმართ აღძრული მორიგი სისხლის სამართლის საქმეც, პოლიტიკური დევნის კლასიკური მაგალითია, რომელსაც „ქართული ოცნება“ მათ მიმართ ბოლო წლებია ახორციელებს.
„ეს არის მორიგი პოლიტიკური დევნის კლასიკური გამოხატულება, ამ საქმეში არანაირი მტკიცებულება არ არსებობა და არც შეიძლება იყოს, რადგან არანარი დანაშაული მათ არ ჩაუდენიათ. „ქართულ ოცნებას“ ამოძრავებს ერთადერთი სურვილი, რომ მამუკა ხაზარაძე და ბადრი ჯაფარიძე ჩამოაშორონ პოლიტიკურ პროცესებს. სწორედ ამით არის განპირობებული ყველა სისხლის სამართლის საქმე, რომელიც ივანიშვილის პროკურატურამ ბოლო წლებში მათ მიმართ შეკერა“ – აცხადებს ლევან სამუშია.