“რეჟისორი სპექტაკლში გეგმავდა პოლიტიკური აქტის განხორციელებას” – ბათუმის თეატრმა სპექტაკლი გააუქმა

ბათუმის დრამატულმა თეატრმა დაგეგმილი.სპექტაკლი, რომლის ბოლეთებიც უკვე გაყიდულია გააუქმა და დაწერა, რომ რეჟისორი “სპექტაკლში გეგმავდა პოლიტიკური აქტის განხორციელებას”.

მიმდინარე წლის 7-8 თებერვალს, ბათუმის დრამატულ თეატრში დაგეგმილი იყო სპექტაკლის „DARK WEB“ პრემიერა.

საპრემიერო ჩვენებიდან ორი დღით ადრე, თეატრის ადმინისტრაციისთვის ცნობილი გახდა, რომ რეჟისორი გეგა გაგნიძე, თეატრის დიდ სცენაზე, სპექტაკლში გეგმავდა სუბიექტური პოლიტიკური აქტის განხორციელებას.

ხაზგასმით აღვნიშნავთ, რომ ბათუმის დრამატული თეატრი კატეგორიულად ემიჯნება თეატრის სივრცის პოლიტიზირებას. პოლიტიკის შემოტანა სცენაზე სცილდება ხელოვნების ჩარჩოებს და ემსახურება მხოლოდ და მხოლოდ კონკრეტულ პოლიტიკურ კონტექსტს.

შესაბამისად, დაგეგმილი სპექტაკლი რომლის შინაარსიც არ შეესაბამება აღნიშნულ პრინციპებს, უქმდება, – წერს თეატრის ადმინისტრაცია და მაყურებელს ბილეთის ფულის უკან დაბრუნებას პირდება.