სამოქალაქო აქტივისტი, სალომე სიმონია, ქართული ოცნების დეპუტატს, ნინო წილოსანს პასუხობს, რომელიც აპროტესტებს მილიონერ დეპუტატებზე საუბარს.
სალომე სიმონია:
წილოსანი იმ პოსტს გამოხმაურებია, სადაც დეკლარაციებზე დაყრდნობით ვწერ, რომ 7 ოფიციალური მილიონერი განიხილავს გაძვირებული საკვებისა და წამლების ფასებს.
სადაც ვამბობ, რომ ეს ღარიბების დაცინვაა – მათი, ვინც წამალს და სათანადო საკვებს ვერ ყიდულობს, სწორედ ამ მდიდრების 13 წლიანი არასწორი ეკონომიკური პოლიტიკის გამო.მათივე არასწორი პოლიტიკის შედეგად, ქართველები წაკითხულის გააზრების ინდექსითაც რომ ჩამოვრჩებით, ესეც ვიცით, მაგრამ პოსტი სიმდიდრესთან ბრძოლად თუ გასაღდებოდა, მთლად ამასაც ვერ წარმოვიდგენდი.ღირსების ნაკლებობას რომ განიცდიან, ესეც არაერთგზის ვნახეთ, მაგრამ ამდენი კორუმპირებული ჩინოვნიკის შემქნელი ხალხი, თუ ისევ სხვისკენ გაიშვერდა ხელს, ჩემთვის ესეც მეტად საკვირველი აღმოჩნდა.ბოლშევიკ ნაცად მომიხსენია და რადგან გამჩენი არ ასვენებს, ვეტყვი, რომ ვიდრე მე ნაცებს ვაკრიტიკებდი, ის და მისი ოჯახი ზუსტად იმ დროს მდიდრდებოდა და ხმას არაფერზე იღებდნენ. უფრო კი, პირიქით:წილოსანის მამის ყოფილი ბიზნეს პარტნიორები ამტკიცებდნენ, რომ წილოსანის მამის სასარგებლოდ წილები კეზერაშვილის ზეწოლის შედეგად დაათმობინეს: „ირაკლი წილოსანი (ძმა) კეზერაშვილის ახლო მეგობარია და სწორედ ამ მეგობრობის დამსახურებით მოხდა ქონების წართმევა” – წერდა ერთ-ერთი მეწილე.
წილოსანს იმასაც შევახსენებ, რომ ოცნების 87 კაციან პარლამენტში 27 ყოფილი ნაცია. 14 მინისტრიდან – 10 ნაციონალური მოძრაობის მთავრობის ყოფილი მაღალჩინოსანია. ერთი კი, საერთოდ ნაცების დამფინანსებელი გყავთ.
კომენტარები