გარდაიცვალა მსოფლიო ჩემპიონი ბერძნულ-რომაული სტილით ჭიდაობაში მიხეილ სალაძე

72 წლის ასაკში გარდაიცვალა ბერძნულ-რომაული სტილით ჭიდაობაში მსოფლიო ჩემპიონი მიხეილ სალაძე.

მიხეილ სალაძე 1981 წელს მსოფლიოს თასის მფლობელი და ჩემპიონატის საუკეთესო მოჭიდავე გახდა. 1973, 1977, 1982 წლებში იყო მსოფლიო უნივერსიადის სამგზის ჩემპიონი. ასევე, 1981 წელს ბერძნულ-რომაული ჭიდაობის საბჭოთა კავშირის სპორტის დამსახურებული ოსტატი გახდა. მიხეილ სალაძე იყო ღირსების ორდენის ორგზის მფლობელი და ვახტანგ გორგასლის მესამე ხარისხის ორდენის კავალერი.

საქართველოს ჭიდაობის ეროვნული ფედერაცია უსამძიმრებს გარდაცვლილის ოჯახსა და ახლობლებს.

„გარდაიცვალა ლეგენდარული მოჭიდავე, მსოფლიოს ჩემპიონი, მსოფლიო თასის მფლობელი, მსოფლიო უნივერსიადის სამგზის და სსრკ-ს ოთხგზის ჩემპიონი, არაერთი საერთაშორისო ტურნირის ჩემპიონ-პრიზიორი, სპორტის რაინდი, ლირსების ორდენისა და ვახტანგ გორგასლის მესამე ხარისხის ორდენის კავალერი მიხეილ სალაძე. საქართველოს ჭიდაობის ეროვნული ფედერაცია უსამძიმრებს მის ოჯახსა და ახლობლებს.

პანაშვიდი: 1-2 თებერვალი; გასვენება: 3 თებერვალი; მისამართი: თბილისი, ვახტანგ გორგასლის გასასვლელი -15 (ბულგარეთის საელჩოს გვერდით)“, – ნათქვამია სამძიმრის წერილში.