“ჯაბა, ნუ გვსინავ”, “სამუშიას ეშინია” – რატომ ემალება რექტორი სტუდენტებს?

ფოტო – ტვ პირველი

თბილისის სახელმწიფო უნივერსიტეტის პირველი კორპუსის ეზოში საპროტესტო აქცია მიმდინარეობს.

აქციას შეუერთდნენ პროფესორ-მასწავლებლები, სტუდენტები და სხვადასხვა სფეროს წარმომადგენლები.

პროტესტის მონაწილეები “ქართული ოცნების” განათლების მინისტრის, გივი მიქანაძის განცხადებას აპროტესტებენ თბილისის სახელმწიფო უნივერსიტეტისა და საქართველოს ტექნიკური უნივერსიტეტის გაერთიანების თაობაზე და რექტორ ჯაბა სამუშიასთან შეხვედრას ითხოვენ.

“ჯაბა სამუშია დუმს და თუ კიდევ დუმილს გააგრძელებს აუცილებლად მივაკითხავთ კაბინეტთან და უკვე იქ მივმართავთ. ჯაბა სამუშიასგან დუმილი არ არის გასაკვირი იმიტომ, რომ წინაზეც, როცა პოლიციელები შემოვიდნენ უნივერსიტეტში, არც მაშინ არ გვცემდა პასუხს. ის სახელმწიფოს ვერ გადაახტება და უბრალოდ ეშინიa…” – თქვა ერთ-ერთმა სტუდენტმა ტვ პირველთან.

დღეს გავრცელდა მიმართვა სამუშიასადმი, რომელსაც 700–მდე პირი აწერს ხელს.

ასევე, დღეს აპროტესტებდნენ გადაწყვეტილებას სტუ–ს ლექტორები და სტუდენტები.

ცნობისთვის, “ქართულმა ოცნების“ ხელისუფლებამ თბილისის სახელმწიფო და ტექნიკური უნივერსიტეტების გაერთიანების გადაწყვეტილება მიიღო. ამის შესახებ „ქართული ოცნების“ განათლების მინისტრმა, გივი მიქანაძემ ბრიფინგზე განაცხადა.