“ეს ქვეყნის ღალატია და ქუთაისის ტექნოლოგიური უნივერსიტეტისთვის გადახდილი ხარკი“ – რუსუდან თევზაძე

განათლების საკითხებში ექსპერტმა, რუსუდან თევზაძემ „პალიტრანიუსთან“ უნივერსიტეტების გაერთიანებაზე საუბრისას, თქვა:

„ქვეყნის ღალატია. იქ აკადემიური საბჭოა, ფორმალურია თუ არაფორმალური, აკადემიურ საბჭოზე უნდა გავიდეს და თუ განხილვაში შევიდნენ, საქმის ირგვლივ მაგიდასთან ერთად დასხდნენ, ეს ნიშნავს იმას, რომ კოჰაბიტაციას იწყებენ, ეს არ გამოვა. ეს დღე არ დადგებოდა, რომ პროტესტი უფრო ძლიერი ყოფილიყო და სიღრმისეული. უნივერსიტეტი ხომ მხოლოდ შენობა-ნაგებობა არ არის, ეს არის ჩვენი ქვეყნის სახელმწიფოებრიობის კონცეფცია, სადაც თავისუფალი აზრი იბადებოდა ყოველთვის. ამის გაუქმებით ფაქტობრივად ბრენდს აუქმებენ. ორი უნივერსიტეტის შერწყმა ნიშნავს არა განვითარებას, არამედ ორივეს ერთად გაუქმებას მხოლოდ პოლიტიკური მისიით. ეს არის პარტიული მისია, რომელსაც ემსახურება ეს ინიციატივა.

იმდენად დიდი იქნება ჯავახიშვილის და ტექნიკური უნივერსიტეტის შეერთებით მიღებული კონგლომერატით მიღებული ზიანი, რომ ამის გააზრებას ვერ ახერხებენ. ქუთაისის ტექნოლოგიურმა უნივერსიტეტმა თავისი როლი ვერ შეასრულა, ვერ იპოვა მყარი ადგილი, თავი ვერ დაიმკვიდრა. როდესაც ასეთ უნივერსიტეტს აშენებ, იქ რეგიონული განვითარებაც უნდა იყოს შესაბამისი. ეს არის სოციალურ-ეკონომიკური საუნივერსიტეტო კლასტერი, რომელსაც მომსახურების სფერო სჭირდება და ა.შ. ამ ყველაფრით მათ ვერ შეძლეს ამ უნივერსიტეტის უზრუნველყოფა და გამოდის, რომ თავშივე ყველაფერი იყო ხელოვნური და იყო პოლიტიკური პიარის ნაწილი. შესაძლებელია ასე იყო, რომ სრულიად ხელოვნურად, ეს იყოს ქუთაისის ტექნოლოგიური უნივერსიტეტისთვის გადახდილი ხარკი“

როგორ შეიძლება იხეიროს განათლების ახალი რეფორმით ივანიშვილის დაარსებულმა უნივერსიტეტმა? – “chaikhana”