“სამოქალაქო მონაწილეობის ცენტრის” დამფუძნებლის, ირაკლი აბესაძის განცხადებით, მისი ინფორმაციით, “ქართული ოცნება” “ხმაურიანი დაკავებების” შემდეგ ეტაპზე “თბილისის მერიას მიადგება”.
კონკრეტულ ინფორმაციებზე დაყრდნობით, შიგნიდან გამომდინარე, შემდეგი უწყება, რომელსაც მიადგებიან ეს არის თბილისის მერია… პირადად კალაძეს გაუყენებენ ციხის გზას, თუ აკმარებენ ეს ვნახოთ და ეს ასევე პოლიტიკური გარჩევის და შიდა პოლიტიკური ჯახის ამბავია….
სამარცხვინო არის ეს განცხადება, (ცნობისთვის, კალაძემ თქვა, რომ მხოლოდ საკუთარ ქმედებებხეა პასუხისხმგებელი და არა თანამშრომლების), საზოგადოებას რომ ესმოდეს, უწყების ხელმძღვანელის მთელი როლი ზუსტად იმაშია, რომ სისტემა მართოს იმდაგვარად, რომ სისტემა თავის ფუნქციას ასრულებდეს და ფულს არ იპარავდნენ, თორემ კალაძე თავად არც გზას აგებს, არც საბავშვო ბაღს აშენებს, არც ბავშვებს აჭმევს, არც მოხუცთა თავშესაფარში დადის, არც სოციალურად დაუცველთა სასადილოში სუპს არ ხარშავს. კალაძე რეალურად არის მმართველი სისტემის და როდესაც ამ სისტემის ერთი რგოლი, მაგალითად საბავშვო ბაღების სისტემა აღმოჩნდა, რომ სრულად იყო კორუმპირებული და დანარჩენი რგოლების მხილება წინ გვაქვს, როდესაც მმართველი ამ სისტემის გეუბნება, რომ მე ამაზე პასუხისმგებელი არ ვარ, ეს ნიშნავს, რომ თავისივე განცხადებით, ის არაფერს არ აკეთებდა და მისი ადგილი მაშინ ნამდვილად არ არის ამხელა სისტემის ხელმძღვანელად.
სინამდვილეში, რა თქმა უნდა, ის ცდილობს თავი დაიცვას, ის ცდილობს, რომ თავი დაიძვრინოს მოსალოდნელი სისხლისსამართლებრივი პასუხისმგებლობისგან და ასეთ სასაცილო, საკუთარი ღირსებისთვის შეურაცხმყოფელი აღიარების გაკეთება უწევს…” – განაცხადა ირაკლი აბესაძემ.
კომენტარები