საქართველოს მესამე პრეზიდენტი, მიხეილ სააკაშვილი, ციხიდან მორიგ წერილს აქვეყნებს;
გუშინ გრიგოლიამ ეთერში თქვა, რომ ჩემი რეფორმების შედეგად ბევრი ადამიანის უფლება დაირღვა.
მოდით ჩამოვთვალოთ რა კატეგორიის ადამიანის “უფლებები” დაირღვა:
ვაზაგაშვილის უფლება დაირღვა და მის მიერ მოკლული ხალხის არა?
30 ათასი გაიშნიკი მართლა დარჩა სამსახურის და შემოსავლის გარეშე.
დაახლოებით ამდენივე რაოდენობის ლექტორი ვეღარ იღებდა ქრთამებს უმაღლეს სასწავლებლებში.
რამდენიმე ათასი მებაჟე და საგადასახადოს თანამშრომელი იქნა დათხოვილი და შესაბამისად მათი კორუფციული წყაროები ჩაიკეტა.
ექიმები რომ სძალავდნენ ფულს პაციენტებს დარჩნენ მარცხენა შემოსავლის გარეშე.
ხშირად საუბრობენ მოლაშვილზე, მირცხულავაზე და მსგავს კორუმპირებულ მოხელეებზე, რომელიც მე 4 წლის შემდეგ შევიწყალე. თუმცა პირველი უამრავ ბიზნესს ართმევდა ქრთამს, ფულით უზარმაზარი სასახლე აიშენა, იმდენად დიდი, რომ იქ მიუსაფართა მრავალრიცხოვანი თავშესაფარი ჩაეტია. ხოლო მირცხულავას გამო, რომელიც დენს მარცხნივ ყიდდა თურქეთში ჩუბაისთან ერთად, საქართველო ჩაბნელებული იყო.
ხოდა მილიონობით ქართველის, რომელიც სიბნელეში იყინებოდა, უფლებები არ ირღვეოდა და მირცხულავასი დაირღვა?
ასობით ათასი სტუდენტის, რომელიც იძულებული იყო ქრთამი მიეცა არ ირღვეოდა და პროფესორ-მასწავლებლების დაირღვა?
პაციენტები რომლებიც კვდებოდნენ სამედიცინო მომსახურების გარეშე მათი უფლებები არ ირღვეოდა და ექიმების დაირღვა?
მე არ ვამტკიცებ, რომ ცალკეული ადამიანების უფლებები არ ირღვეოდა – სამწუხაროდ კი, მაგრამ საერთო სურათი ასეთია, რომელსაც ბევრი ჯიუტად არ ამჩნევს.
რა თქმა უნდა ქ.-ნი ინგა ამ პოსტს არ წაიკითხავს ეთერში…
დიდი დაგვიანებით, მაგრამ ახლა მაინც უნდა შევებრძოლოთ წარსულის ბნელი ეპოქის რევანშისტულ რიტორიკას, სწორედ იმიტომ, რომ ის ეპოქა დაბრუნდა ყველაზე ცუდი სახით და ესენი კიდევ მე მსაყვედურობენ რამეს, აღარაფერი აღარ უნდა გავატაროთ, ENOUGH IS ENOUGH!
კომენტარები