“სასტიკად მოკლული მასწავლებლის დედამ საბოლოოდ გააშიშვლა მთელი სისტემა” – სალომე სიმონია

ფოტო: Mindia Gabadze

სამოქალაქო აქტივისტი, სალომე სიმონია:

სასტიკად მოკლული მასწავლებლის დედამ საბოლოოდ გააშიშვლა მთელი სისტემა, რაზეც ჩვენი ქვეყანა დგას. ამ უმძიმესმა ტრაგედიამ ბოლომდე წარმოაჩინა ყველა ინსტიტუციის შემზარავად მანკიერი და მახინჯი სახე.

● არასრულწლოვნების სისასტიკე
● ჯანდაცვის სფეროს გულგრილობა
● პოლიციის არაკომპეტენტურობა
● პროკურატურის მიკერძოებულობა
● განათლების სფეროს დეგრადაცია
● საზოგადოების უპასუხისმგებლობა

მე რომ ახლა გიგა ცოცხალი მყავდეს და გიგას სიცოცხლესა და გიგას ღირსებას შორის არჩევანის წინაშე დავდგე, მე სიცოცხლეს უგულვებელვყოფ და დავიცავ გიგა ავალიანის ღირსებასო – შვილმკვდარმა დედამ თქვა.

პასუხიც მის ამ ნათქვამშია – რა აკლია ყველა სფეროს, რისგან არის დაცლილი ყველა ინსტიტუცია და მთელი ქვეყანა.