ვოლოდიმირ ზელენსკის განცხადებით, უკრაინის დელეგაცია დონალდ ტრამპის წარმომადგენლებთან შესახვედრად შეერთებულ შტატებში მიემგზავრება. ამის შესახებ ზელენსკიმ ჩეხ კოლეგასთან, პიოტრ პაველთან ერთად გამართულ პრესკონფერენციაზე განაცხადა.
ამ დღეებში დაგეგმილი იქნება შეერთებულ შტატებში ჩვენი უკრაინელი წარმომადგენლების შეხვედრები.
ამ შეხვედრების შემდეგ მეტი სიცხადე იქნება, როგორც ამერიკულ მხარესთან უკვე მომზადებული დოკუმენტების, ასევე რუსეთის მიერ ჩატარებულ და მიმდინარე სამუშაოებზე რეაგირების კუთხით”, – თქვა მან.
გარდა ამისა, მან აღნიშნა, რომ აუცილებელია უსაფრთხოების გარანტიებთან და აღდგენის პაკეტთან დაკავშირებული ზოგიერთი მასალის დასრულება.
საკითხი იმაში არ არის, რომ სასწრაფოდ ხელი მოვაწეროთ დღეს. მნიშვნელოვანია, რომ იქ ყველა ასპექტი იყოს, რომლებზეც პარტნიორებთან ვსაუბრობდით, რომ უკრაინა არ იყოს “შიშველი და ფეხშიშველი” ომის შემდეგ, რომ რეალური ფინანსური მხარდაჭერა გვქონდეს. სწორედ ამაზე ვმუშაობთ,” – განაცხადა ზელენსკი
კომენტარები