“ადამიანის მოკვლა 500 მილიონი თუმანი, მანქანის დაწვა – 200 მილიონი” – რომელ ქვეყნებს ადანაშაულებს შეთქმულებაში ირანი?

ირანის თავდაცვის მინისტრმა აზიზ ნასირზადემ, თქვა:

“ჩვენ გვაქვს ზუსტი ინფორმაცია, რომ შეერთებულმა შტატებმა, სიონისტურმა რეჟიმმა და მათმა ზოგიერთმა მოკავშირე ქვეყანამ შექმნეს სადისკუსიო ცენტრი, რათა დახმარებოდნენ სეპარატისტებსა და ტერორისტებს სამომავლო გეგმების დასახვაში. მათ თითოეული გამოყოფილი რეგიონისთვის საკუთარი კონსტიტუციის დაწერაც კი დაგეგმეს, ისინი იარაღის კონტრაბანდას, ფინანსურ და ლოჯისტიკურ მხარდაჭერას ხელმძღვანელობდნენ.

ამ საკითხებთან დაკავშირებით გვაქვს დაზვერვის მონაცემები, რომ მათ ირანში ქაოსის დასანერგად ერთობლივი შეხვედრები გამართეს რეგიონის ერთ-ერთ ქვეყანაში, სადაც შეერთებული შტატების და ზოგიერთი დასავლური ქვეყნის სადაზვერვო სამსახურებმა ბიუჯეტის გაზრდის საკუთარი გეგმები წარმოადგინეს.

ამ შეხვედრაზე ირანში განადგურების ტემპიც კი განისაზღვრა; თითოეული ადამიანის მოკვლა 500 მილიონი თუმანი, თითოეული მანქანის დაწვა 200 მილიონი თუმანი, პოლიციის განყოფილებების დაწვა 80 მილიონი თუმანი და ნებისმიერი შევიწროების ქმედება 15 მილიონი თუმანი.

ამბობდნენ, მოკალი ყველა, ვინც გზაზე გადაგიდგება და მიიღე 100 მილიონი თუმანი. ამასთან დაკავშირებით, დააკავეს პირი, რომელმაც ასეთი ქმედებებისთვის 900 მილიონი ტომანი მიიღო.” | თქვა ირანის თავდაცვის მინისტრმა აზიზ ნასირზადემ.