ექიმ ვაჟა გაფრინდაშვილს ტროტუარზე დგომის გამო სისხლის სამართლებრივი დევნა ემუქრება.
ექიმს გუშინ, 14 იანვარს, დაურეკეს თბილისის საქალაქო სასამართლოდან და უთხრეს, რომ 8 იანვარს ჩატარებულა ადმინისტრაციული სხდომა, სადაც მოსამართლემ თორნიკე კაპანაძემ ადმინისტრაციული საქმის წარმოება შეწყვიტა და შემდგომი რეაგირებისთვის შინაგან საქმეთა სამინისტროს გადასცა, „რადგან დაუნახავს სისხლის სამართლის შესაძლო დანაშაულის ნიშნები“.
ვაჟა გაფრინდაშვილი წარსულში უკვე არის ცნობილი ადმინისტრაციულ სამართალდამრღვევად სამანქანო გზის “გადაკეტვის” საბაბით, თუმცა ახლა როგორც ირკვევა, მას 8 იანვარს უკვე ტროტუარზე დგომის გამოც უპირებდნენ სამართალდამრღვევად ცნობას. ამ ორის ერთიანობა კი მოსამართლის შეფასებით, შეიძლება სისხლის სამართლის დანაშაული იყოს.
მანამდე ცნობილი გახდა, რომ შეწყდა და შემდგომი რეაგირსებისთვის შსს-ს გადაეცა გიორგი წულაიას და ანა ბდეიანის საქმეებიც.
კომენტარები