“ეს ისრაელის სცენარია” – ირანი საკუთარი მოქალაქეების დახოცვას ისრაელს აბრალებს

ირანის საგარეო საქმეთა მინისტრი აბას არაღჩი FoxNews-თან ინტერვიუში, პრაქტიკულსდ ამბობს, რომ ისრაელის გამო დახოცა რეჟიმმა ათასობით ირანელი.

“როცა გარედან მართული ტერორისტული ელემენტები შეუერთდნენ ამ პროტესტს, დაიწყეს სროლა პოლიციისა და უსაფრთხოების ოფიცრების მისამართით… მათ პოლიციელები დაიჭირეს, ცოცხლად დაწვეს და სროლა დაიწყეს ხალხის მისამართით. შედეგად, სამი დღის განმავლობაში, ჩვენ გვქონდა ბრძოლა ტერორისტების წინააღმდეგ და არა დემონსტრანტების. ეს სრულიად სხვა ამბავი იყო…

მათ სროლა დაიწყეს ხალხის მისამართით იმ მიზეზით, რომ სურდათ მოკლულთა რაოდენობის გაზრდა, რადგან პრეზიდენტმა ტრამპმა თქვა, რომ თუ მკვლელობები იქნებოდა, ისინი ინტერვენციას განახორციელებდნენ. და მათ სურდათ, რომ ის ამ კონფლიქტში ჩაეთრიათ. ეს ზუსტად ისრაელის სცენარია – მათ სურდათ, ჩაეთრიათ აშშ-ის პრეზიდენტი ამ კონფლიქტში და დაიწყეს მოკლულთა რიცხვის გაზრდა ჩვეულებრივი მოქალაქეებისა და პოლიციელების დახოცვით, სხვადასხვა ქალაქში ბრძოლების დაწყებით”