სამოქალაქო აქტივისტის, ანა ბდეიანის “ტროტუარის” საქმეზე მოსამართლე თორნიკე კაპანაძემ წარმოება შეწყვიტა და რეაგირებისთვის შსს-ს გადასცა. ამის შესახებ მარიკა არევაძე სოციალურ ქსელში წერს.
მარიკა არევაძის განმარტებით, ანა ბდეიანს დადგენილება დღეს ჩაბარდა – “ტროტუარზე დგომის გამო უპირებენ სისხლით დაჭერას”.
3 შვილის დედას, ტროტუარზე დგომის გამო უპირებენ სისხლით დაჭერას!
დღეს ჩაბარდა ანა ბდეიანს დადგენილება, რომლითაც მოსამართლე თორნიკე კაპანაძემ საქმე შეწყვიტა და შსს-ს გადასცა რეაგირებისათვის.
ნეტა როგორ მოხდა, რომ ასე განსხვავებულად ვისწავლეთ სამართალი და მართლმსაჯულება!” – წერს მარიკა არევაძე.
ცნობისთვის, მანამდე მსგავსად შეწყდა სამოქალაქო აქტივისტისა და “ნაციონალური მოძრაობის” ახალგაზრდული ორგანიზაციის წევრის, გიორგი წულაიას “ტროტუარის” საქმეზე წარმოება.
მისთვის ჩაბარებულ დადგენილებაში ეწერა, რომ “ადმინისტრაციული სამართალდარღვევის საქმე სისხლის სამართლის ნიშნებს შეიცავს”.
კომენტარები