“ახლა ირანში ის მომენტუმია, რაც ჩრდ. კორეაში იყო 1994 წელს. ამის ხელიდან გაშვებას ისტორია არავის აპატიებს” – ბექა კობახიძე

ამასწინათ დავწერე, ჩრდ. კორეის რეჟიმის მოშორების საუკეთესო და ფაქტობრივად ერთადერთი შანსი იყო 1994 წელს. ყველა პირობა და გარემოება იყო შექმნილი ამისთვის, მაგრამ მაშინ “იზარმაცეს”. იფიქრეს, რომ ასე დასუსტებული ჩრდ. კორეა კონტროლირებადი საფრთხე იყო. აქედან წამოდგა ჩრდ. კორეა, მის მოსახმარებლად წამოდგა რუსეთიც, დიდ ძალად ჩამოყალიბდა ჩინეთი, ჩრდ. კორეამ შექმნა ბირთვული იარაღი და დიდ სტრატეგიულ დაპირისპირებაში, რომელიც გარდუვალი ჩანს წყნარი ოკეანის აუზში, ჩრდ. კორეას ბევრად მეტი მსხვერპლის გამოწვევა შეუძლია, ვიდრე ამას 1994 წელს მოახერხებდა. ახლაც არაა გაანალიზებული ხელიდან გაშვებული შესაძლებლობის მნიშვნელობა. სრულად მხოლოდ მას შემდეგ გაანალიზებენ, და ამაზე უკვე ისტორიკოსები დაწერენ, როცა ჩინეთის მხარეს მყოფი ჩრდ. კორეა სროლას დაიწყებს.