მოსკოვის სასამართლომ 30 წლის ალექსანდრ საქანიას 19 წლით თავისუფლების აღკვეთა მიუსაჯა. რუსეთის პროკურატურა მას “ტერორისტულ საქმიანობასთან კავშირს” ედავება. რუსეთის პროკურატურის მტკიცებით, ის დაკავშირებული იყო უკრაინის მხარეს მებრძოლ „რუსულ მოხალისეთა კორპუსთან“ და საქართველოში ყოფნისას ახალი წევრების რეკრუტირებითა და ორგანიზაციის საქმიანობის ორგანიზებით იყო დაკავებული.
რუსული მხარე ამტკიცებს, რომ საქანია 2023 წლის ბოლოსა და 2024 წლის დასაწყისში საქართველოში მოქმედ ე.წ. „ფილტრაციის პუნქტს“ ხელმძღვანელობდა და კანდიდატების შერჩევასა და გადაბირებას ახორციელებდა. იგი მარტში მოსკოვში ჩასვლის შემდეგ დააკავეს – მედიის ცნობით, შესაძლოა იქ ფინანსური შეთავაზებით მიიტყუეს.
კომენტარები