თელავის რაიონულმა სასამართლომ ყვარლის მუნიციპალიტეტის სოფელ შილდაში მომხდარი მკვლელობის საქმეზე, მამა-შვილს პატიმრობა შეუფარდა.
მკვლელობაში ბრალდებული ლევან ჩიტაშვილისთვის, დაცვის მხარემ 15 000 ლარიანი, ხოლო მისი შვილისთვის, რომელსაც ძალადობა ედება ბრალად, 5 000 ლარიანი გირაოს შეფარდება ითხოვა.მოსამართლე თამარ კაპანაძემ ბრალდების მხარის პოზიცია სრულად გაიზიარა და შუამდგომლობა არ დააკმაყოფილა.
შეგახსენებთ, მკვლელობა სოფელ შილდაში 8 იანვარს მოხდა.გამოძიების ინფორმაციით, 51 წლის ლევან ჩიტაშვილი შურისძიების მოტივით, მეზობლის საცხოვრებელ სახლში შეიჭრა და 48 წლის ნოდარ ასაბაშვილს ცივი იარაღით სასიკვდილო ჭრილობა მიაყენა. ასევე დადგენილია, რომ მანამდე ჩიტაშვილმა, შვილთან ერთად, ეჭვიანობის ნიადაგზე ფიზიკურად იძალადა მეუღლესა და მეზობელზე, რის გამოც მისი შვილია დაკავებული.ორივე ბრალდებული ჩადენილ ქმედებას აღიარებს. გამოძიება სისხლის სამართლის კოდექსის 108-ე და 126- ე მუხლებით მიმდინარეობს. საქმეზე წინასასამართლო სხდომა 2026 წლის 4 მარტს ჩაინიშნა.
კომენტარები