თეთრმა სახლმა გამოაქვეყნა იმ ორგანიზაციების სია, რომლის დატოვებას პრეზიდენტ დონალდ ტრამპის გადაწყვეტილებით აპირებს.
აღნიშნულ ჩამონათვალში არის ევროსაბჭოს ვენეციის კომისიაც. გარდა ამისა, აშშ გეგმავს უკრაინის მეცნიერებისა და ტექნოლოგიების ცენტრის დატოვებასაც.
პრეზიდენტ ტრამპის გადაწყვეტილებას სოციალურ ქსელ X-ში გამოეხმაურა აშშ-ის სახელმწიფო მდივანი მარკო რუბიო.
„აღნიშნული გასვლა ამერიკელებისთვის პრეზიდენტ ტრამპის მიერ მიცემულ პირობას შეესაბამება: ჩვენ შევწყვეტთ გლობალისტური ბიუროკრატების სუბსიდირებას, რომლებიც ჩვენი ინტერესების წინააღმდეგ მოქმედებენ. ტრამპის ადმინისტრაცია პირველ ადგილზე ყოველთვის დააყენებს ამერიკას და ამერიკელებს“, – დაწერა რუბიომ.
კომენტარები