აშშ-მა ვენესუელის სანაპიროსთან, საერთაშორისო წყლებში, მეორე სანქცირებული ნავთობტანკერი დააკავა მას შემდეგ, რაც პრეზიდენტმა დონალდ ტრამპმა ვენესუელურ ნავთობზე სრული ბლოკადა გამოაცხადა.
Bloomberg-ის ცნობით, პანამის დროშის ქვეშ მცურავ სუპერტანკერ Centuries-ზე დაახლოებით 2 მილიონი ბარელი ვენესუელური ნედლი ნავთობი იყო, რომელიც იურიდიულად ჩინურ კომპანიას ეკუთვნის. დაკავება დაადასტურა აშშ-ის ეროვნული უსაფრთხოების მინისტრმა კრისტი ნოემიმ, აღნიშნა რა, რომ სანაპირო დაცვამ ხომალდი თავდაცვის დეპარტამენტის მხარდაჭერით შეაჩერა.
რამდენიმე დღით ადრე აშშ-მ ვენესუელის სანაპიროსთან ტანკერი Skipper-იც დააკავა, რასაც კარაკასმა „საერთაშორისო მეკობრეობა“ უწოდა. Reuters-ის ინფორმაციით, ამ ნაბიჯებმა ვენესუელის ნავთობის ექსპორტი მნიშვნელოვნად შეაფერხა – ქვეყანამ უკვე ვერ გაყიდა დაახლოებით 6 მილიონი ბარელი ნავთობი.
ტრამპის ადმინისტრაცია აცხადებს, რომ სანქცირებული ვენესუელური ნავთობის გადაზიდვების წინააღმდეგ ზომები გაგრძელდება, პარალელურად კი ვაშინგტონი მადუროს რეჟიმზე ზეწოლას აძლიერებს.
კომენტარები