რა ქონებას ფლობენ ხატია სიჭინავა და რამაზ ნოზაძე – “აი ფაქტმა” გამოძიება ჩაატარა, რომლის მიხედვითაც დგინდება, რომ “ოცნების” პროპაგანდისტებმა ბოლო 10 წელში უძრავ ქონებაში 1.6 მილიონი ლარი დახარჯეს
ირკვევა, რომ ხატია სიჭინავას ეკუთვნის ორსართულიანი აგარაკი კიკეთში, ტყის პირას, რომელშიც 2016 წელს 157 000 ლარი გადაიხადა. ასევე ორსართულიანი სახლი სოფელ დიღომში, რომელიც 2021 წელს იყიდა, 730 000 ლარად.
სოფელ დიღომში, მეზობელ ქუჩაზე კი მდებარეობს მისი მეუღლის, რამაზ ნოზაძის სახლიც, უფრო დიდი ეზოთი, აუზით და ფანჩატური. ეს სახლი ნოზაძემ 2025 წლის აგვისტოში იყიდა და 150 000 დოლარი, ანუ 400 000 ლარი გადაიხადა.
რამაზ ნოზაძის საკუთრებაშია:
- სახლი ისანში, სადაც, სავარაუდოდ, სასტუმროს აშენებას გეგმავს.
- 1 ჰექტარი მიწის ნაკვეთი თეთრიწყაროში, სოფელ პანტიანში, ტყის პირა მდელოზე.
აიფაქტის გამოძიების თანახმად, რამაზ ნოზაძეს თანასაკუთრებაში აქვს 10 000 ლარად ნაყიდი საწარმოო ფართიც, თბილისის ზღვის მიმდებარედ, სადაც ახლა მეტალო-პლასტმასის და ალუმინის ქარხანაა გახსნილი.
“აი ფაქტის” გამოძებაში ასევე საუბარია სილამაზის სალონებზე, ლიფტების მონტაჟის და თამბაქოს დისტრიბუციის სფეროში არსებულ ბიზნესზეც.
კომენტარები