თბილისში, სპეცოპერაცია მიმდინარეობს. ადგილზე მობილიზებულები არიან ექსპერტ-კრიმინალისტები და კინოლოგებიც.
ცნობილია, რომ გიორგი მდივნის ქუჩაზე, ერთ-ერთ შენობაში ჩხრეკა ჩატარდა, თუმცა რა საქმესთან დაკავშირებით, ამას სუს-ში ამ ეტაპზე არ აკონკრეტებენ. ასევე ვრცელდება ინფორმაცია, რომ დაკავებულია ერთი პირი.
სახელმწიფო უსაფრთხოების სამსახურის პრესსამსახურის წარმომადგენელის განცხადებით, ინფორმაცია სპეცოპერაციის შესახებ ხვალ დილით გახდება ცნობილი.
მან ასევე უარყო გავრცელებული ინფორმაცია, რომ სპეცოპერაციის ფარგლებში ვინმე დააკავეს.
სუს-ის წარმომადგენლის თქმითვე, საქმე არ უკავშირდება რუსეთის მოქალაქის, ვასამბეკ ბოკოვის დაკავებას. (ნიუპოსტი)
მართალია, დღეს სუსი ამტკიცებს, რომ არავინ დაუკავებიათ, მაგრამ – იმედია, დილით იტყვის, რა საჭიროა ღამით სპეცოპერაცია, რომლის დროსაც არავის აკავებენ – ან, შეუძლია მოყვეს მეორე ვერსია – როგორ გაექცა დამნაშავე სუსს.
კომენტარები