ალეკო ელისაშვილის საქმეზე გამოძიებამ ადვოკატს ხელი გაუთქმელობის დოკუმენტზე მოაწერინა. გიორგი რეხვიაშვილის თქმით, პროკურატურას აქვს შიში, რომ რამე ისეთი ინფორმაცია არ გავრცელდეს და აღნიშნული ხელწერილი მოქმედებს ყველა შემდგომ საქმის მასალებზეც.
მისივე თქმით, ელისაშვილი უკვე გამოკითხულია, თუმცა მან დუმილის უფლება გამოიყენა და არანაირი ინფორმაცია არ მიუწოდებია საგამოძიებო უწყებისთვის.
მხოლოდ გააკეთა შენიშვნა, რომ არ ეთანხმება ბრალს, – დასძინა მან.
„ყველაზე მნიშვენლოვანი და ხელმოსაკიდი საქმისთვის არის ის, რომ მოხდა, აღნიშნული საქმის გადაკვალიფიცირება, ტერორიზმის მუხლით, ანუ ტერორისტულ აქტს ედავებინა ელისაშვილს, რომელიც ალოგიკური და უსაფუძვლოა. ვინ იურიდიულ საკითხებში ერკვევა, მარტივად მიხვდება, რომ ტერორისტული აქცის განმხორციელებლ პირს უნდა გააჩნდეს მიზანი, თუმცა, კადრებში კარგად ვხედავთ, რომელიც პროკურატურამ გაავრცელა, რომ ის არ იყენებს იარაღს. მას რომ სურვილი ჰქონოდა, ბოლომდე მიეყვანა და დაეწვა აღნიშნული შენობა, იარაღის გამოყენებით, მარტივად შეეძლო გაეჩერებინა სამივე მანდატური, რომლებსაც იარაღი არ ჰქონდათ, წაეკიდებინა ცეცხლი და დაეტოვებინა მიმდებარე ტერიტორია, თუმცა მას ვინმეს დაზიანების განზრახვა არ ჰქონია. სწორედ ამიტომ იყო ის შაბათ დილას შესული და არა სამუშაო საათებში, როდესაც ზიანი უფრო მეტი იქნებოდა. ამიტომ, ეს მნიშვნელოვანი ფაქტებია, რომელიც სასამართლომ უნდა გაითვალისწინოს და პროკურატურის მხრიდან, გადაკვალიფიცირებული საქმე უნდა გადმოაკვალიფიციროს იმ მუხლზე, რითაც საწყის ეტაპზე დაიწყო გამოძიება.
გაუთქმელობაზე მოვაწერე ხელი, ამ შემთხვევაში პროკურატურას აქვს შიში, რომ რამე ისეთი ინფორმაცია არ გავრცელდეს. მე გადმომეცემა დამატებითი მასალები და აღნიშნული ხელწერილი მოქმედებს ყველა შემდგომ საქმის მასალებზეც“, – განაცხადა რეხვიაშვილმა.
ალეკო ელისაშვილს დიღმის წინასწარიდ აკავების იზოლატორიდან სასამართლოში 13:00 საათისთვის მიიყვანენ.
“ძლიერი საქართველოს” ერთ-ერთი ლიდერი შაბათს დააკავეს. შსს-ს ამბობს, რომ შენიღბულმა ალეკო ელისაშვილმა სასამართლოს კანცელარიის შენობის დაწვა სცადა. პოლიტიკოსი სისხლის სამართლის წესით არის დაკავებული.
კომენტარები