იტალიაში ქართველი ქალების წინააღმდეგ გამოძიება დაიწყო. გამოძიების ინფორმაციით, 44 ადამიანს დოკუმენტების ფალსიფიკაციასა და თაღლითობას ედავებიან – მოდენაში მცხოვრები საქართველოს მოქალაქეები, სავარაუდოდ, ლიტვის ყალბი პასპორტებით მუშაობდნენ და სოციალური, საგადასახადო შეღავათებისა და საბანკო კრედიტების მიღებას ახერხებდნენ.
პირველ ეტაპზე პოლიციამ 13 ქართველი ემიგრანტი დააკავა. იტალიური მედიის ცნობით, ისინი გამოკითხვის შემდეგ დროებით გაათავისუფლეს, თუმცა ყველა პოლიციის ზედამხედველობის ქვეშ რჩება.
საქმეში ფიგურირებს კიდევ ორი საქართველოს მოქალაქე – ერთი მამაკაცი და 53 წლის ქალი, რომელიც, გამოძიების ვერსიით, მოდენაში ახლად ჩასულებს საცხოვრებლად საკუთარ ბინას უთმობდა და არალეგალური საქმიანობის ორგანიზებაში ეხმარებოდა.
კომენტარები