უწყვეტი აქციებიდან ერთი წლის შემდეგ სამოქალაქო აქტივისტებმა პროტესტის ახალი ფორმა დაანონსეს. კერძოდ, ყოველ შაბათს დღეს, 19:00 საათზე შეკრების ადგილი ფილარმონიის მიმდებარე ტერიტორია იქნება, საიდანაც მოქალაქეები ტრადიციულად მსვლელობით რუსთაველის გამზირისკენ დაიძვრებიან. გარდა ამისა, მინიმუმ, დღეგამოშვებით საზოგადოებასთან შეხვედრები გაიმართება.
დღესვე დაანონსებული სადგურის მოედანზე საინფორმაციო მიტინგის გამართვაც.
“საღამოს ექვს საათზე ვაპირებთ საინფორმაციო მიტინგის გამართვას. ჩენ ვფიქრობთ, რომ ასეთი ტიპიის აქტივობები სხვადასხვა მეტროებთან გავმართოთ, რომლის მიზანიც იქნება, ვისაუბროთ სხვადასხვა ტიპის სოციალურ პრობლემებზე, რომელიც უკავშირდება ფასებს, განათლების საკითხებს, სხვადასხვა პრობლემებს, რაც მოქალაქეებს აწუხებს და ამით გვინდა, რომ ამ რუსთაველის სივრცესაც გავცდეთ და საზოგადოებას, სადაც ხალხმრავლობაა და მოძრაობაა, იქაც მივაწოდოთ ინფორმაცია, – ამბობს ტატო ქელბაქიანი.
ჩვენ უნდა გავფართოვდეთ, უნდა გახდეს ეს პროტესტი ბევრად უფრო ხალხმრავალი, იმიტომ, რომ ჩვენ უნდა შევძლოთ ლაპარაკი ყველა მოქალაქესთან, რომელიც ჩვენს გარშემო არის და უნდა ვიგრძნოთ მათი პრობლემები და ვაჩვენოთ, რომ ჩენ ვართ თანაზიარი მათი პრობლემების, ტკივილების და უნდა მოვიფიქროთ ის გზები, როგორ უნდა გადავჭრათ ეს პრობლემები და შევთავაზოთ, – ამბობს ლიკა ბასილაია შავგულიძე.
კომენტარები