პუტინის ურთიერთგამომრიცხავი განცხადებები და უცვლელი მუქარა

პუტინმა დღეს უკრაინაზე ურთიერთგამომრიცხავი განცხადებები გააკეთა, თქვა რომ არსებული დოკუმენტი შეიძლება იყოს შეთანხმებიზ საფუძველი და იქვე თქვა, რომ უკრაინის არსებულ ხელისუფლებასთან დოკუმენტზე ხელმოწერა უაზრობაა:

„ჟენევაში მოლაპარაკებების შემდეგ, უკრაინამ და აშშ-მა ერთმანეთში გადაწყვიტეს, რომ ეს 28 პუნქტი 4 კომპონენტად უნდა დაიყოს, ეს ყველაფერი ჩვენ გადმოგვეცა, ზოგადად, ჩვენ ვეთანხმებით, რომ ეს შეიძლება იყოს მომავალი შეთანხმებების საფუძველი. ამერიკის დელეგაცია მომავალ კვირას უნდა ჩამოვიდეს მოსკოვში. რუსული მხრიდან უკრაინის მომლაპარაკებლები იქნებიან მედინსკი და საგარეო საქმეთა სამინისტროს წარმომადგენლები.

დოკუმენტებზე ხელმოწერა უკრაინის ამჟამინდელ ხელმძღვანელობასთან უაზრობაა – მათ სტრატეგიული შეცდომა დაუშვეს, როდესაც საპრეზიდენტო არჩევნების ჩატარების შეეშინდათ. რუსეთს სურს უკრაინასთან შეთანხმების მიღწევა, თუმცა ეს ამჟამად იურიდიულად შეუძლებელია…”

პუტინი, რომელიც 3 დღეში კიევის აღებას აანონსებდა, ისევ იმუქრება:

 “უკრაინის შეიარაღებული ძალები გავლენ მათ მიერ ოკუპირებული ტერიტორიებიდან და შემდეგ საბრძოლო მოქმედებები შეწყდება. თუ ისინი არ გავლენ, ამას იარაღის ძალით მივაღწევთ”.

უკრაინა კანონით ვალდებული იქნება, ტერიტორიულ საკითხებზე რეფერენდუმი ჩაატაროს… ყირიმის, დონბასის და ნოვოროსიის აღიარება რუსეთსა და შეერთებულ შტატებს შორის მოლაპარაკებების საგანი უნდა იყოს”

დღესვე, მან საკუთარი გეგმების შესახებაც ისაუბრა:

„და რა მოხდება შემდეგ? კომსომოლსკის ჩრდილოეთით მდებარეობს კუპიანსკი, სლავიანსკი, სევერსკი. ფრონტის კოლაფსი გარდაუვალი იქნება“. მისივე თქმით, “უკრაინა კანონით ვალდებული იქნება ტერიტორიულ საკითხებზე რეფერენდუმი ჩაატაროს. ყირიმის, დონბასის და ნოვოროსიის აღიარება რუსეთსა და შეერთებულ შტატებს შორის მოლაპარაკებების საგანი უნდა იყოს”