კიევი აშშ-ის „სამშვიდობო გეგმას“ თუ დათანხმდება, უკრაინა აღარ იარსებებს, ევროპა თუ მიიღებს, რუსეთთან ომისთვის უნდა მოვემზადოთ – მარკო მიჰკელსონი

სტონეთის პარლამენტის საგარეო ურთიერთობათა კომიტეტის თავმჯდომარე მარკო მიჰკელსონი X-ზე წერს, რომ კიევი დონალდ ტრამპის „სამშვიდობო გეგმას“ თუ დათანხმდება, უკრაინა აღარ იარსებებს.

„უკრაინა ამას თუ მიიღებს, უკრაინა აღარ იარსებებს. ევროპა ამას თუ მიიღებს, რუსეთთან პირდაპირი ომისთვის უნდა მოვემზადოთ“, – წერს მარკო მიჰკელსონი.

შეგახსენებთ, გამოცემა Axios-მა გაავრცელა “სამშვიდობო გეგმის” დეტალები, რომლის თანახმად: უკრაინამ უნდა დათმოს თავის ტერიტორიის ნაწილი, შეზღუდოს სამხედრო ძალები და ნატო-ში გაწევრიანებაზე უარი თქვას. ამასთან, Financial Times-ის თანახმად, აშშ მოითხოვს, რომ უკრაინა სამშვიდობო გეგმას 27 ნოემბრამდე დათანხმდეს.

უკრაინის პრეზიდენტის ოფისის ინფორმაციით, ვოლოდიმირ ზელენსკიმ ოფიციალურად მიიღო აშშ-სგან „ომის დასრულების გეგმა“ და მის განხილვას აშშ-ის პრეზიდენტ დონალდ ტრამპთან გეგმავს.

ფინეთის საგარეო საქმეთა მინისტრუ და ეუთო-ს ამჟამინდელი თავმჯდომარე, ელინა ვალტონენი გამოეხმაურა “სამშვიდობო გეგმას” და აღნიშნა, რომ ის მოსკოვში დაწერილს ჰგავს და მუღებელი იქნება როგორც უკრაინისთვის, ასევე მისი ევროპელი პარტნიორებისთვის.